ថ្មីៗនេះ យើងបានទទួលដំណឹងបន្ថែមអំពីស្មាតហ្វូនគែមស្ដើង Xiaomi Mi MIX 3 ដែលនឹងបំពាក់អេក្រង់ OLED របស់ Samsung មានរចនាបថគែមទូរស័ព្ទដ៏ស្ដើង ដើម្បីប្រកួតប្រជែងនឹង Vivo NEX ក៏ដូចជា Oppo Find X ដែលតាមព័ត៌មានបញ្ជាក់ថាអាចនឹងសម្ពោធមុនថ្ងៃទី១៥ ខែកញ្ញាខាងមុខ។
MIX ទី៣ នឹងមានកម្រិត Resolution ទំហំ 2880x1440px ហើយអាចមានទម្រង់កាមេរ៉ាលាន ឬលោតឡើង ខណៈបច្ចុប្បន្នយើងមិនទាន់មានព័ត៌មានផ្លូវការចេញពី Xiaomi ផ្ទាល់នៅឡើយ។ Mix 3 នឹងប្រើឈីប Snapdragon 845 គាំទ្រ RAM 6GB ហើយនឹងមានតម្លៃប្រហែល ៥៦៩ដុល្លារ។ លក្ខណៈសម្បត្តិដទៃទៀតនៅលើ Xiaomi Mi MIX 3 គឺរួមបញ្ចូលទាំង Quick Charge 4.0+ ហើយអាចនឹងត្រូវបង្កប់ fingerprint sensor ក្រោមអេក្រង់។ ឆាប់ៗខាងមុខ យើងនឹងបានដឹងច្បាស់អំពីលក្ខណៈសម្បត្តិផ្លូវការដែលនឹងប្រកាសដោយ Xiaomi នៅថ្ងៃទី១៥ ខែកញ្ញាឆ្នាំ២០១៨ ខាងមុខនេះហើយ៕
