មានលក់ហើយ! ទូរស័ព្ទ Nokia 105 ឆ្នាំ ២០១៩ ប្រើស៊ឹម ២ បើនិយាយពីថ្មកាន់ខ្លាំងអស់ទាស់

ភ្នំពេញ៖ ប្រិយមិត្ត​ទាំងអស់​ធ្លាប់​បានដឹង​ហើយពី​សមត្ថភាព​ដ៏​ល្អ​នៃ​ទូរស័ព្ទ​ស៊េរី​ចុច​ពិល​របស់​ក្រុមហ៊ុន Nokia ហើយ​ពេលនេះ ក្រុមហ៊ុន​បានធ្វើ​ការណែនាំ​ទូរស័ព្ទ Nokia 105 (២០១៩) ប្រើ​ស៊ឹម ២ ស៊េរី​ថ្មី មាន​មុខងារ​ប្រើប្រាស់​កាន់តែ​សម្បូរបែប​ជាង​មុន ជាពិសេស​មាន​សមត្ថភាព​ថ្ម​កាន់​បានយូរ សាក​ថ្ម​ម្ដង​អាច​និយាយ​គ្នា​តាំងពី​ថ្ងៃ​រះ រហូត​ថ្ងៃ​លិច​ក៏​នៅ​មិនទាន់​អស់។

ក្រុមហ៊ុន KTH ដែលជា​ក្រុមហ៊ុន​នាំចូល និង​ចែកចាយ​ផ្តាច់មុខ ផលិតផល Nokia សុទ្ធ​ស្របច្បាប់​នៅក្នុង​ប្រទេស​កម្ពុជា បាន​ប្រាប់​អ្នកយកព័ត៌មាន​វេ​ប​សាយ The Plus News ថា ពេលនេះ​ទូរស័ព្ទ Nokia 105 ប្រើ​ស៊ឹម ២ ចាប់ផ្ដើម​មាន​លក់​ក្នុង​ទីផ្សារ​កម្ពុជា យើង​ហើយ។ សម្រាប់​ទូរស័ព្ទ Nokia 105 នេះ​មានចំណុច​ល្អ​ត្រូវចិត្តច្រើន ចំពោះ​អ្នក​ដែលមាន​ការនិយាយ​ទូរស័ព្ទយូរៗ និង​អាច​រក្សា​លេខ​ទំនាក់ទំនង​បាន​ច្រើន។

Nokia 105 (២០១៩) រូបរាង​ទាន់សម័យ និង​ស្រស់ស្អាត ដោយ​តួខ្លួន​ផលិតឡើង​ពី Polycarbonate មាន​ភាពរឹងមាំ ហើយ​មាន​ប៊ូ​តុង​ចុច​ធំ ជាមួយ​អក្សរច្បាស់ៗងាយស្រួល​មើល និង​ចុច​ថែមទៀត។ Nokia 105 (2019) មាន​អេក្រង់​ទំហំ ១.៧៧ អ៊ី​ញ Ram ទំហំ 4MB ម៉េ​មូ​រី​ទំហំ 4MB (អាច​ផ្ទុក​សារ និង​លេខ​ទូរស័ព្ទ​បាន​ច្រើន) ថាមពល​ថ្ម 800mAh អាច​ទុកចោល​បាន ២៥ ថ្ងៃ និង​និយាយបាន​ជាប់​រហូត​បានជា​ង ១៤ ម៉ោង ហើយ​ដំណើរការ​ដោយ​ប្រព័ន្ធ Nokia Series 30+។ វា​ប្រើប្រាស់​ស៊ីម ២ និង​មាន​ពិល​ភ្លឺ​ច្បាស់ វិទ្យុ​លឺ​ខ្លាំង​ថែមទៀត។ វា​មាន ៣ ពណ៌​សម្រាប់ធ្វើ​ការជ្រើសរើស​គឺ​ពណ៌​ខៀវ ពណ៌​ផ្កាឈូក និង​ពណ៌​ខ្មៅ។

ប្រិយមិត្ត​ទាំងអស់​ដែល​ចង់បាន​ទូរស័ព្ទ Nokia 105 នេះ នៅ​គ្រប់​ហាង​លក់​ទូរស័ព្ទ​ទាំងអស់​ទូទាំងប្រទេស​ក​ម្ពុ​ជា ជាមួយនឹង​តម្លៃ​ក្រោម ២០ ដុល្លារ។ យ៉ាង​មិញ មុននឹង​ទិញ​ទូរស័ព្ទ Nokia ម៉ូ​ឌែ​ល​ណាមួយ អតិថិជន​ទាំងអស់​ត្រូវ ពិនិត្យមើល​ស្ទិ​ក​គ័​រ​ក្រុមហ៊ុន KTH ឲ្យ​បាន​ត្រឹមត្រូវ​ទាំង​នៅលើ​ប្រអប់ លើ​ថ្ម និង​បិទ​ជាប់​នឹង​តួ​ទូរស័ព្ទ​ផងដែរ។ គ្រប់​ទូរស័ព្ទ​សុទ្ធ​ពី​ក្រុមហ៊ុន គឺមាន​ការធានា​ជូន​រយៈពេល​មួយឆ្នាំ។ សម្រាប់​ព័ត៌មាន​បន្ថែម​សូម​ទាក់ទង​បាន​តាមរយៈ​លេខ​ទូរស័ព្ទ ០១២ ៨៧៩ ៧០៧៕