Sony បញ្ចេញវីដេអូ Teaser អួតពីស្មាតហ្វូន Xperia 2 ដែលត្រៀមបញ្ចេញក្នុងព្រឹត្តិការណ៍ IFA 2019

បន្ទាប់ពីមានព័ត៌មានបែកធ្លាយស្ដីពីគម្រោងបង្កើត Xperia 2 ពេលនេះ ត្រូវបានក្រុមហ៊ុន Sony បញ្ជាក់​ជា​ផ្លូវ​កា​រ​ហើយ ដោយស្មាតហ្វូននេះ នឹងត្រូវក្រុមហ៊ុនជប៉ុនមួយនេះដាក់បង្ហាញនៅក្នុង​ព្រឹត្តិការណ៍ IFA 2019 ខាងមុខ នៅប្រទេសអាល្លឺម៉ង។

 

View this post on Instagram

 

A post shared by Sony Mobile (@sonyxperia) on

តាមរយៈវីដេអូ Teaser បានបញ្ជាក់យ៉ាងច្បាស់ពីអ្វីដែល Sony នឹងដាក់ចេញ។ យ៉ាងណាពេលនេះ យើងទទួលបាន រូបភាព​ផ្លូវការខ្លះៗ ក៏ដូចជា​លក្ខណៈសម្បត្តិ​មួយផ្នែក របស់​វា​បន្ថែមទៀត ដែល​វារឹតតែ ធ្វើ​ឲ្យ​យើង​ច្បាស់​ក្នុង​ចិត្ត ជាង​មុន​ទៀតផង។ តាមរយៈរូបភាពបែកធ្លាយខ្លះ បញ្ជាក់ថា Xperia 2 មាន​រូបរាង​មិន​ខុសពី Xperia 1 ប៉ុន្មាន​នោះទេ ដោយ​វា​បាន​ផ្លាស់ប្តូរ កាមេរ៉ា​ដែល​បញ្ឈរ​នៅ​ចំ​កណ្តាល មក​ដាក់​បញ្ឈរ​នៅ​ផ្នែក ខាងឆ្វេង​វិញ ប៉ុន្តែ​វា​នៅតែមាន លេន 3 គ្រាប់​ដដែល ជាមួយនឹង Flash LED នៅ​ខាងលើ​លេន ទាំងនោះ​ដូច​មុន។ អ្វីដែល​យើង​បានឃើញ​នោះ វា​ជា​ម៉ូ​ឌែ​ល​ដែលមាន ពណ៌​ក្រហម ហើយ​នៅ​ផ្នែក​ខាងមុខ វា​មាន​កាមេរ៉ា​មួយ​គ្រាប់ នៅ​ផ្នែក​ខាងលើ រីឯ​គែម​លើ​ក្រោម​របស់​វា​វិញ អាច​និយាយបានថា វា​នៅតែ​ធំ​ដូច​មុន​ដែរ។

បើតាម​ពាក្យ​ចចាមអារ៉ាម​ជាច្រើន បាន​បង្ហាញថា ស្មា​ត​ហ្វូ​ន​នេះ អាច​នឹង​បំពាក់​ជាមួយ សេន​ស័​រ​កាមេរ៉ា 12MP ទាំងបី​គ្រាប់ ដែលមាន​ទាំង​លេន ultra-wide-angle និង​លេន 2X optical zoom ទៀតផង។ មិន​ត្រឹមតែ​ប៉ុណ្ណោះ វា​អាចមាន​អេក្រង់​តូច​ជាង​មុន​ត្រឹម 6.1 អ៊ី​ញ ប្រភេទ AMOLED ដែលមាន​កម្រិត​បង្ហាញ Full HD+ ព្រមទាំង​រក្សា​នូវ​អេក្រង់​ខ្នាត​កុន 21:9 ដដែល លើសពីនេះ វា​អាច​នឹង​បំពាក់​មកជា​មួយ បន្ទះ​ឈី​ប Snapdragon 855 ដែល​អាចមាន​រ៉េ​ម 6GB និង​អង្គ​ផ្ទុក 128GB ផងដែរ។

Xperia 2 មាន​រចនាបទ​រូបរាង​មិន​ខុសពី ជំនាន់​មុន​ប៉ុន្មាន​នោះទេ ហើយ​បើតាម​ដំណឹង​បែកធ្លាយ​វិញ វា​អាចមាន​អេក្រង់​តូច​ជាង​មុន ប៉ុន្តែ​រក្សា​កម្រិត​សមាមាត្រ​អេក្រង់​ដដែល (aspect ratio) ហើយ​វា​ក៏​អាច​នឹង ប្រើប្រាស់​បន្ទះ​ឈី​ប​ជំនាន់​ចាស់​ផងដែរ និយាយ​ឲ្យ​ចំ​ទៅ វា​មាន​ចំណុច​ជាច្រើន ដែល​មិនបាន​ផ្លាស់ប្តូរ៕