វីដេអូ 4K មួយថតដោយ iPhone 11 Pro មើលទៅពិតជាពិសេសខ្លាំងណាស់!

ឆ្នាំនេះ ហាក់ប្លែកពីឆ្នាំមុនៗ ក្រុមហ៊ុន Apple ព្យាយាមបញ្ចេញព័ត៌មាន និងវិដេអូជាច្រើនអួតពីសមត្ថភាពកាមេរ៉ា​របស់  iPhone 11 របស់ខ្លួន ហើយថ្មីៗនេះ ក្រុមហ៊ុនអាមេរិកនេះ បានបញ្ចេញវីដេអូ 4K ដែលថត និងកាត់ត ដោយលើម៉ាស៊ីន iPhone 11 Pro សុទ្ធ ហើយត្រូវបាន​ថត​ដោយលោក​ Diego Contreras អ្នក​ដឹក​នាំ​ការ​ថត​ភាព​យន្ត​មួយ​រូប។

សម្រាប់ឆ្នាំនេះ Apple បានផ្នោតខ្លាំងលើសមត្ថភាពកាមេរ៉ា ដោយនៅលើ iPhone 11 Pro និង iPhone 11 Pro Max ផ្នែក ​មុខ មានចំនួន​មួយ​គ្រាប់ ដែលមាន​សេន​ស័​រ ទំហំ 12MP កម្រិត Aperture f/2.2 ដែល​អាច​គាំទ្រ​ការថត​វីដេអូ​ក្នុង​កម្រិត 4K (Extended Dynamic Range) ក្នុង​ល្បឿន 30fps និង 4K 60fps។ លើសពីនេះទៅទៀត​វា​ក៏​អាចធ្វើ​ការថត Slo-mo selfies បាន​ថែម​ទៀតផង។

ដោយឡែកមេរ៉ា​ខាងក្រោយ​ បំពាក់​មកជា​មួយ​កាមេរ៉ា​ចំនួន 3 គ្រាប់ ​មួយ​ជា Lens ​គោលមាន​សេន​ស័​រ ទំហំ 12MP កម្រិត Aperture f/1.8 (OIS), មួយ​គ្រាប់​ជា Lens ប្រភេទ Telephoto ដែលមាន​ទំហំ 12MP កម្រិត Aperture f/2.0 (OIS + 2x Optical Zoom) និង​មួយ​គ្រាប់​ចុងក្រោយ​គឺជា លេន​ទូលាយ (Wide-Angle) ដែលមាន​ទំហំ 12MP កម្រិត Aperture f/2.4 (120 ដឺ​ក្រេ)។

កាន់តែ​ពិសេស ​កាមេរ៉ា​ក្រោយ​របស់ iPhone 11 Pro និង iPhone 11 Pro Max មាន​សមត្ថភាព​អាចធ្វើ​ការថត វីដេអូ ក្នុង​កម្រិត 4K (Extended Dynamic Range) ក្នុង​ល្បឿន 60fps ហើយក៏បាន​បំពាក់​មកជា​មួយ​បច្ចេកវិទ្យា Smart HDR ជំនាន់​ថ្មី, Audio Zoom, Deep Fusion និង Night Mode ដែល​អាចជួយ​ឲ្យ​ការថតរូប​នៅក្នុង​ប្លង់​ពេលយប់ ទទួលបាន​គុណភាព​រូបភាព​ល្អ និង​មាន​ពន្លឺ គ្រប់គ្រាន់ ថែម​ទៀតផង។ ចំពោះមុខងារ Night Mode នេះ​មានតែ​នៅលើ iPhone 11, iPhone 11 Pro និង iPhone 11 Pro Max ហើយ​វា​ជា​មុខងារ​ដ៏​ថ្មីស្រឡាង​មួយ​ដែល​មិន​ធ្លាប់មាន​នៅលើ iPhone ជំនាន់មុនៗនោះទេ៕