តាមរយៈព័ត៌មានដែលទើបចេញផ្សាយកាលពីពេលថ្មីៗនេះ បានឲ្យដឹងថា ក្រុមហ៊ុនបច្ចេកវិទ្យាយក្សរបស់ចិនត្រៀមនឹងបញ្ចេញស្មាតហ្វូនអេក្រង់ពយបែបថ្មីមួយម៉ឌែលទៀតក្នុងពេលឆាប់ៗនេះ ដើម្បីវាយលុយទីផ្សារឲ្យលឿន ជាមួយ នឹង ការរកឃើញថ្មី ក្នុងគ្រួសារត្រកូល Honor របស់ខ្លួន។
ស្មាតហ្វូននេះ ត្រូវបានគេអោយឈ្មោះផ្សេងៗគ្នា គឺថា Honor 8X។ តាមរយៈការបង្ហោះរូបភាពផ្ទាំង Poster មួយ បង្ហាញពីឈ្មោះស្មាតហ្វូន មួយស៊េរីនោះ ជាផ្លូវការហើយ គឺមានឈ្មោះថា Honor 8X។ ម្យ៉ាងវិញទៀត សម្រាប់រូបភាពមួយសន្លឹកនេះ ក៏អាចបញ្ជាក់បានថា 8X អាចនឹងមានវត្តមាន ក្នុងពេលឆាប់ៗខាងមុន ផងដែរ។
ស្មាតហ្វូន Honor 8X នេះ អាចមានអេក្រង់លាតធំ ដល់ទៅ 7.12 អ៊ីញ រំលេចឆកតូច មានរាងជាតំណក់ទឹកស្រក់ចុះ និងអាចបង្ហាញរូបភាព ក្នុងកម្រិត Full HD+។ វាអាចនឹងប្រើប្រាស់បន្ទះឈីប Snapdragon 660 ឬ 636, មានកាមេរ៉ាមុខទំហំ 8 មេហ្គាភិចសែល ឯកាមេរ៉ាខាងក្រោយ ជាកាមេរ៉ាភ្លោះ មានទំហំ 16 មេហ្គាភិចសែល + 5 មេហ្គាភិចសែល។ ក្នុងនោះ Honor 8X អាចនឹងមានវិមាត្រ 177.57×86.24×8.13 មីលីម៉ែត្រ និងមានទម្ងន់ 210 ក្រាម។ តែយ៉ាងណា សម្រាប់កាលបរិច្ឆេទជាក់ស្ដែង យើងនៅមិនទាន់ទទួលបាន ការបង្ហើបអោយដឹង ពីប្រភពណាមួយ នៅឡើយទេ។ ហេតុដូច្នេះ សូមតាមដានជាមួយយើងបន្តទៀត៕
