Apple ប្រកាសឲ្យអ្នកប្រើប្រាស់ iPhone ធ្វើការ Update ប្រព័ន្ធ iOS 13 ជាមួយចំណុចថ្មីៗមួយចំនួន

ថ្មីៗនេះ ក្រុមហ៊ុន Apple ប្រកាសឲ្យអ្នកប្រើប្រាស់ធ្វើការ Update ទៅប្រព័ន្ធ iOS 13 ចាប់ពីទូរស័ព្ទ iPhone SE ឬ iPhone 6S ឡើងទៅ ដោយក្រុមហ៊ុនបានធ្វើការដោះស្រាយកំហុសឆ្គងមួយចំនួនទៅលើមុខងារ 4 ដូចជា៖

1/-Dark Mode៖ បន្ទាប់ពី​លោកអ្នក​ធ្វើ​បច្ចុប្បន្នភាព លោកអ្នក​អាច​ជ្រើស​យក​រវាង Light Mode ឬ Dark Mode។ Dark Mode គឺជា​មុខងារ​ថ្មី​មួយ​ដែល​ធ្វើឱ្យ​ផ្ទៃ​អេក្រង់​មាន​ភាព​ខ្មៅ​ជាង​មុន ដែល​នេះ​អាច​ផ្ដល់​សារៈប្រយោជន៍​យ៉ាងខ្លាំង សម្រាប់​អ្នកប្រើប្រាស់​ដែលមាន​បញ្ហា​ភ្នែក​ជា​មួ​ួ​យ​ពន្លឺ។ ប្រសិនបើ​លោកអ្នក​ចង់​ធ្វើការ​បើក​ឬ បិទមុខ​ងារ​នេះ​នៅពេល​ក្រោយ លោកអ្នក​អាច​ចូលទៅ Settings > Display & Brightness ហើយ​ជ្រើស​យក Light ឬ Dark។

2/-បិទ​សម្លេង​ពី​អ្នក​ហៅ​ចូ​ល​ដែល​លោកអ្នក​មិន​ស្គាល់ (Silence Unknown Callers)៖
ជាមួយ iOS 13 លោកអ្នក​អាច​បិទ​កុំ​ឱ្យឮ​សម្លេង​រាល់​ការហៅ​ចូល​ពី​លេខ​ដែល​មិនមាន​នៅក្នុង contacts របស់លោក​អ្នក។ ដើម្បី​ប្រើ​មុខងារ​មួយ​នេះ លោកអ្នក​គ្រាន់តែ​ចូលទៅ​កាន់ Settings > Phone ហើយ​ចុច​លើ Silence Unknown Callers។

3/-ការបញ្ចូល​ថ្ម​ឱ្យ​កាន់​តែមាន​ប្រសិទ្ធិភាព (Optimize Battery Charging)៖
ដើម្បីឱ្យ​ថ្ម​របស់ iPhone ប្រើ​បានល្អ​កាន់តែ​យូរ មុខងារ​នេះ​នឹងធ្វើ​ការស្វែងយល់​ពី​ការប្រើប្រាស់​របស់លោក​អ្នក ហើយ​ព្រមទាំង​បញ្ចូល​ថ្ម​លើសពី៨០% ក្នុងពេលដែល​លោកអ្នក​ត្រូវការ​ប៉ុណ្ណោះ។ លោកអ្នក​អាច​បើក​ឬ បិទមុខ​ងារ​មួយ​នេះ​ដោយ​ចូលទៅ​កាន់ Settings > Battery > Battery Health រួច​ចុច​លើ Optimize Battery Charging។

4/-កែ​រូបភាព​និង​វីដេអូ៖ ក្រុមហ៊ុន Apple បានធ្វើការ​កែសម្រួលរ​បៀ​ប​កែ​រូបភាព​ឱ្យ​កាន់តែ​ងាយស្រួល លើស​ពី​នេះ​ទៀត​លោកអ្នក​ក៏​អាច​កែ​វីដេអូ​បាន​ផងដែរ។ នេះ​ជា​លើក​ទី១ហើយ ដែល​លោកអ្នក​អាច​កែ​វីដេអូ​បាន ដូចជា កាត់​ទំហំ​រូបភាព បង្វិល​រូបភាព បន្ថែម filters ឬ​បន្ថែមបន្ថយ​ពន្លឺ​និង​ពណ៌​ជាដើម។ ដើម្បីចូលទៅធ្វើការ Update ទៅប្រព័ន្ធ iOS 13 គ្រាន់តែ​ចូលទៅ Settings > General > Software Update៕