ជាដំណឹងល្អសម្រាប់ប្អូនៗ ដែលទើបប្រឡងជាប់សញ្ញាបត្រមធ្យមសិក្សាទុតិយភូមិ ឆ្នាំ ២០១៨ នេះ ដោយវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន (NIPTICT) ឆ្នាំសិក្សា២០១៨-២០១៩ នឹងផ្ដល់អាហារូបករណ៍ ១០០% សម្រាប់ចូលប្រឡងចូលសិក្សាជំនាញ ៣ ផ្នែកឌីជីថល។
អាហារូបករណ៍ ១០០% មានចំនួន ៦០កន្លែងចូលរៀនជំនាញពាណិជ្ជកម្មអេឡិចត្រូនិក (e-Commerce) ទូរគមនាគមន៍ និងបណ្ដាញ (Telecom and Networking) និងជំនាញវិទ្យាសាស្ត្រកុំព្យូទ័រ (Computer Science)។ កម្មវិធីនេះ នឹងផុតកំណត់ទទួលពាក្យ ថ្ងៃទី២៧ ខែតុលា ឆ្នាំ២០១៨ ដោយទីតាំងទទួលពាក្យប្រឡងស្ថិតនៅក្នុងវិទ្យាស្ថានជាតិ NIPTICT ផ្ទាល់ (ជាប់ទីស្ដីការគណៈរដ្ឋមន្ត្រី)៕
