Xiaomi ទើបបញ្ចេញ Mi 8 Pro ចេញផ្លូវការជាមួយសមត្ថភាពស្កេនម្រាមដៃលើអេក្រង់

ក្រោយមានព័ត៌មានចចាមអារ៉ាជាច្រើនកន្លងមក​ទីបំផុតក្រុមហ៊ុន Xiaomi បានធ្វើការប្រកាសចេញស្មាតហ្វូន​ម៉ូឌែល ខ្សែស្រឡាយ Mi 8 ជាផ្លូវការហើយ ដោយវាមានឈ្មោះថា Mi 8 Pro ប៉ុន្តែមិនមែនជា Mi 8 Youth ដូចព័ត៌មាន លេចធ្លាយនោះទេ។

Xiaomi Mi 8 Pro ​នឹង​មាន​លក់​ជាមួយ​ជម្រើស RAM ពីរ​ទំហំ​គឺ 6GB និង 8GB។ ចំណែក​អេក្រង់​របស់​វា​មាន​ទំហំ ៦,២១អ៊ីញ​កម្រិត 1080x2248px OLED ​បំពាក់​ឈីប Snapdragon 845 ​និង​មាន​កាមេរ៉ា​ទំហំ 12MP f/1.8 + 12MP f/2.4 ជា​កាមេរ៉ា​គោល ហើយ​កាមេរ៉ា​មុខ​ទំហំ 20MP។ Xiaomi Mi 8 Lite ​ប្រើ​អេក្រង់​ទំហំ ៦,២៦អ៊ីញ LCD បំពាក់​ឈីប Snapdragon 660, កាមេរ៉ា​ក្រោយ​ភ្លោះ 12MP + 5MP ​និង​មាន​កាមេរ៉ា selfie ទំហំ 24MP ​ហើយ​មាន​កម្លាំង​ថ្ម 3350mAh។

ស្មាតហ្វូននេះ នឹងត្រូវដាក់លក់នៅទីផ្សារស្រុកក្រៅក្នុងតម្លៃ 468 ដុល្លារ សម្រាប់ម៉ូឌែល RAM 6GB ជាមួយអង្គចងចាំ 128GB និងតម្លៃ 527 ដុល្លារ សម្រាប់ម៉ូឌែល RAM 8GB ជាមួយអង្គចងចាំ 128GB។ Mi 8 Pro មានជម្រើស 3 ពណ៌ រួមមាន Black (Transparent Black), Meteorite Black និង Shuguangjin៕