ដំណឹងល្អសម្រាប់ម្ចាស់ទូរស័ព្ទ Nokia ចំនួន ៤ ម៉ូឌែលនឹងទទួលបានការ Update ទៅប្រព័ន្ធ Android 9.0 ក្នុងពេលឆាប់ៗនេះ។ ក្នុងនោះ ទូរស័ព្ទ Nokia 6.1 និង 6.1 Plus នឹងទទួលបាន Pie នៅខែនេះ ខណៈទូរស័ព្ទ Nokia 8 និង 8 Sirocco នឹងទទួលបានការ Update នៅពេលបន្ទាប់។
តាមការប្រកាសរបស់ Nokia ទូរស័ព្ទ Nokia 8 និង Nokia 8 Sirocco នឹងត្រូវបានធ្វើបច្ចុប្បន្នភាពនៅខែវិច្ឆិកា។ សរុបមកស្មាតហ្វូន Nokia ដំណើរការដោយប្រព័ន្ធ Android របស់ក្រុមហ៊ុន HMD ក្នុងរយៈពេល ២ ឆ្នាំនេះ គឺមានលទ្ធភាពមុខគេក្នុងការ Update ទៅប្រព័ន្ធថ្មីរបស់ Google បន្ទាប់ពី Pixel។ រាល់ទូរស័ព្ទ Nokia បច្ចុប្បន្នទាំងអស់នឹងត្រូវបាន Update ទៅ Pie ហើយ Nokia 7 plus ក៏បានទទួលបាន Update នេះរួចហើយដែរ៕
