បន្ទាប់ពីក្រុមហ៊ុន Nokia ប្រកាសដាក់ឲ្យស្មាតហ្វូនរបស់ខ្លួនអាច Update ឡើងទៅប្រព័ន្ធ Android Pie 9.0 ពេលនេះ ក្រុមហ៊ុន Sony របស់ជប៉ុនក៏បានប្រកាសដូចគ្នាដែរ សម្រាប់ស្មាតហ្វូន Xperia XZ2 និង XZ2 Compact អាចហោះពី Android Oreo 8.0.X ទៅកាន់ Android Pie បាន។
ជាមួយនឹងកំណែ Update ធំមួយនេះ ធ្វើឡើងតាមរយៈ OTA ឬ Over the Air ដែលម្ចាស់ស្មាតហ្វូនទាំង 2 ម៉ូឌែលនេះ អាចចូលទៅកាន់ Settings > System > Software Update > System Updates ដើម្បីស្វែងរកកំណែ Update ថ្មីមួយនេះ បើទោះបីជាវា ទើបតែចេញជាផ្លូវការ ក៏ពិតមែន តែស្មាតហ្វូនរបស់អ្នក អាចនឹងអាចឡើងជំនាន់បាន ចាប់ពីថ្ងៃនេះតទៅ ឬបើនៅ មិនទាន់មានកំណែ Update ធ្លាក់មកដល់នៅឡើយទេ អាចរង់ចាំមួយ រយៈពេលទៀត ទើបបាន ដោយវាមាន ទំហំជាង 1GB ឯណោះ។
សម្រាប់ការ Update ឡើងទៅ Android 9.0 ថ្មីនេះ SONY នឹងដាក់ចេញចាប់ពីខែវិច្ឆិកា ដោយបានពង្រឹងផ្នែកសុវត្ថិភាព ដូចជា៖
- បន្ថែមមុខងារថតរូបកាន់តែប្រសើរ និងសម្បូរបែប
- Adaptive Battery & Brightness សម្រាប់កំណត់ទៅលើការបង្ហាញពន្លឺ នៃផ្ទៃអេក្រង់
- មុខងារកែប្រែរូបភាពបន្ទាប់ពី Screenshot រួច
- មួយចំនួនផ្សេងទៀត គួបផ្សំនឹងការដោះស្រាយបញ្ហា Bugs
