ស្ថាប័នស្រាវជ្រាវទីផ្សារ Counterpoint ថ្មីៗនេះបានបញ្ចេញរបាយការណ៍ចំណែកទីផ្សារស្មាតហ្វូននៅរយៈពេល ៣ ខែជាប់គ្នា Xiaomi ជាប់ចំណាត់ថ្នាក់ក្រុមហ៊ុនទូរស័ព្ទមានចំណែកទីផ្សារធំបំផុតនៅឥណ្ឌាប្រចាំត្រីមាសទី ៣ ឆ្នាំ២០១៨ រីឯ Samsung បានលេខ ២ ហើយ vivo បានចំណាត់ថ្នាក់លេខ ។
របាយការណ៍បានបង្ហាញឱ្យឃើញ ក្រុមហ៊ុនដែលកាន់កាប់ចំណែកទីផ្សារស្មាតហ្វូនធំបំផុតបានទៅលើ Xiaomi ដែលក្ដាប់ក្នុងដៃ ២៧% ហើយអ្នកបន្ទាប់បានទៅលើ Samsung និង Vivo ដែលយកបាន ២៣% និង ១០%។ ចំណែក Oppo បានចំណាត់ថ្នាក់ទី៥ ខណៈ Micromax ជាអ្នកលេខ៤ ជាមួយអត្រាចែកចាយស្មាតហ្វូន ៩% ចន្លោះពីខែកក្កដា ដល់ខែកញ្ញា។ របាយការណ៍ថែមទាំងបង្ហាញឲ្យឃើញថា បរិមាណចែកចាយស្មាតហ្វូនសរុបគឺមានការកើនឡើង ២៤% ប្រៀបធៀបនឹងត្រីមាសមុន ហើយ ៥% ធៀបនឹងត្រីមាសដដែលឆ្នាំទៅ។ កំណើននេះ បានធ្វើឲ្យឥណ្ឌាក្លាយជាទីផ្សារស្មាតហ្វូនដ៏ធំ គឺមានអត្រាអ្នកប្រើប្រាស់ទូរស័ព្ទច្រើនជាងអាមេរិក។ នេះបើតាមការបញ្ជាក់ពីបុគ្គលិករបស់ Counterpoint លោក Karn Chauhan។
សរុបតួលេខចែកចាយលក់ស្មាតហ្វូននៅទីផ្សារឥណ្ឌាមាន ៤០០លានគ្រឿង បានឈានមុខលើបរិមាណចែកចាយនៅទីផ្សារអាស៊ីដែលស្ថិតនៅលំដាប់ទី២ ក្នុងពិភពលោក។ យោងតាមរបាយការណ៍ដដែលឲ្យដឹងទៀតថា ស្ទើរតែ ១/៣ នៃស្មាតហ្វូនដែលបានលក់ចេញ គឺស្ថិតនៅក្នុងខ្ទង់តម្លៃពី ១៥០ដុល្លារ ទៅ ២៥០ដុល្លារ ខណៈដែលការមកដល់ Pocophone F1 (ដែលហៅឈ្មោះថា Poco F1 នៅទីផ្សារឥណ្ឌា) បានជួយ Xiaomi ច្បាមយកទីផ្សារដឹកមុខគេនៅឥណ្ឌា។ ចំណែកតារាងសំណាងរបស់ Samsung វិញ គឺស្មាតហ្វូន J-Series ក្នុងនោះរួមមាន J6 និង J8 ហើយក៏រាប់ទាំង J2 Core ដែលរត់ដោយ Android Go ផងដែរ៕
