រាជធានីភ្នំពេញ៖ បន្ទាប់បង្ហាញខ្លួននៅទីផ្សារបរទេសមួយរយៈ ពេលនេះទូរស័ព្ទជំនាន់ទី ២ នៃស្រឡាយ Nokia 2 គឺទូរស័ព្ទ Nokia 2.1 ឆ្នាំ ២០១៨ បានមកដល់ និងមានលក់ជាផ្លូវហើយ ក្នុងទីផ្សារខ្មែរមានតម្លៃត្រឹមតែ ១១៥ ដុល្លារ ជាមួយនឹងសមត្ថភាពចំរុះ ត្រូវចិត្តបំផុតសម្រាប់ប្រិយមិត្តដែលចង់បានស្មាតហ្វូនតម្លៃទាប អេក្រង់ធំ ហើយកាន់ថ្មបានយូរ។
សម្រាប់ទូរស័ព្ទ Nokia 2.1 ក្រុមហ៊ុនបានពង្រីកបន្ថែមនូវសមត្ថភាពបង្ហាញរូបភាព ថាមពលថ្ម និងការបញ្ចេញសំឡេង។ ទូរស័ព្ទនេះមានអេក្រង់ទំហំ ៥.៥ អ៊ីញប្រភេទ LCD ត្រូវបានការពារដោយកញ្ចក់ ២.៥D នៅពីលើ ជាមួយកម្រិតបង្ហាញរូបភាព HD (៧២០ x ១០៨០ ភិចស៊ែល)។ រន្ធស្ដាប់សំឡេងចេញចូល និងរន្ធបំពងសំឡេង មានសភាពទ្រវែងប៉ុនគ្នានៅផ្នែកខាងមុខទាំង ២ ដែលផ្ដល់ឲ្យការស្ដាប់ចម្រៀងបានឭច្បាស់ និងខ្លាំងល្អ។
ចំពោះសមត្ថភាពដំណើរ Nokia 2.1 ប្រើនូវឈីប Snapdragon 425 មាន CPU Cortex-A53 ប្រសើរជាងមុន មានចំនួន ៨ គ្រាប់ រត់នៅក្នុងល្បឿន ១.៤ GHz និងជីភីយូ Adreno 308 អមជាមួយ RAMទំហំ ១ GB និងអង្គផ្ទុកទិន្នន័យ ៨ GB ក្នុងម៉ាស៊ីន ហើយក៏អាចបន្ថែមមេម៉ូរី ក្រៅបានដល់ ១២៨ GB ផងដែរ។ កាមេរ៉ាក្រោយ ៨ មេហ្គាភិចស៊ែល អាចថតវីដេអូក្នុងកម្រិត ៧២០p និងកាមេរ៉ាមុខ ៥ មេហ្គាភិចស៊ែលផងដែរ។ ចំណុចពិសេសសម្រាប់ Nokia 2.1 គឺថាមពលថ្មតែម្ដង វាថាមពលថ្មរហូតដល់ ៤,០០០ mAh អាចប្រើប្រាស់វាបាន ២ ថ្ងៃយ៉ាងងាយតែម្ដងសម្រាប់ការប្រើទូទៅ។
សម្រាប់ការទិញទូរស័ព្ទ Nokia 2.1 នឹងទទួលបានការថែមជូនស្គ្រីនការពារអេក្រង់, កាបូបក្រវ៉ាត់ចង្កេះ ដ៏ស្រស់ស្អាតមួយ រួមនឹងស៊ីមកាត Cellcard ដែលមាន Free អ៊ីនធើណែតទំហំ 10GB រៀងរាល់ខែ សម្រាប់រយៈពេល ពេញមួយឆ្នាំ ថែមទៀតផង៕
