បន្ទាប់ពីបានបង្ហើបដំណឹងអំពីស្មាតហ្វូនជំនាន់ថ្មី Lenovo Z5 ជាច្រើនរួចមក ពេលនេះក្រុមហ៊ុនអេឡិចត្រូនិក
ខ្នាតធំរបស់ចិននេះ Lenovo បានសម្ពោធវាជាផ្លូវការហើយ។ ស្មាតហ្វូនអេក្រង់លាតថ្មីនេះ ពិតជាមានរចនាបថឌីហ្សាញស្រដៀងខ្លាំងទៅនឹង iPhone X និង Huawei Nova 3e ណាស់ រួមទាំងក្បាលឆកផងដែរ។
Z5 បំពាក់ដោយឈីប Qualcomm Snapdragon 636 មានអេក្រង់ ៦,២អ៊ីញកម្រិត FHD+ (2246×1080)px។ ស្មាតហ្វូនគែមស្ដើងទំនើបនេះ មាន RAM 6GB និងអង្គចងចាំ 128GB ហើយថែមទាំងភ្ជាប់ជាមួយកាមេរ៉ាសមត្ថភាពខ្ពស់ទាំងមុខនិងក្រោយ។ ហើយក៏មានម៉ូដែល RAM 6GB និងអង្គចងចាំ 64GB ផងដែរ ដើម្បីកម្រិតតម្លៃឱ្យទាបបន្តិច។
កាមេរ៉ាមុខរបស់ Lenovo Z5 ទំហំ 8MP ចំណែកកាមេរ៉ាក្រោយមានពីរ មួយទំហំ 16MP និងមួយទៀតទំហំ 8MP។ វាមានកម្លាំងថ្ម 3300mAh ហើយដើរដោយប្រព័ន្ធប្រតិបត្តិការ Android Oreo និងផ្ទៃសូហ្វ៊ែរ ZUI 4.0 ហើយនឹងមានលក់ក្នុងតម្លៃចាប់ពី ២០២ ដុល្លារឡើងទៅ៕
