កាលពីពេលកន្លងមក CEO របស់ក្រុមហ៊ុន Samsung ធ្លាប់បានបង្ហើបឲ្យដឹងថាស្មាតហ្វូនដែលមានអេក្រង់អាចបត់បានជាលើកដំបូងរបស់ខ្លួននឹងត្រូវបង្ហាញខ្លួន នៅចុងឆ្នាំ 2018 នេះ។ ជាមួយនឹងដំណឹងនេះ កាលពីព្រឹកថ្ងៃទី 5 ខែវិច្ឆិកា ឆ្នាំ 2018 នេះ Samsung ផ្ដើមឲ្យសញ្ញាពីស្មាតហ្វូនមានអេក្រង់បត់បាន តាមរយៈការប្ដូររូប Profile ហ្វេសបុកទៅជាបែបកោងដូចអ្វីដែលខ្លួនធ្លាប់បានលើកឡើង។
តាមរយៈរូបភាព Profile នោះ ក្រុមហ៊ុនមិនបានបង្ហើបអ្វីបន្ថែមទៀតទេ ប៉ុន្តែក្នុងព្រឹត្តិការណ៍ IFA 2018 កន្លងទៅ លោក DJ Koh ជាអគ្គនាយកប្រតិបត្តិ របស់ក្រុមហ៊ុនយក្ស Samsung បានឲ្យដឹងថា “ដល់ពេលដើម្បីបង្ហាញហើយ” នូវម៉ាស៊ីន ដែលបានសន្យាអស់រយៈពេល ជាច្រើនកន្លងមក ដោយស្មាតហ្វូនមានអេក្រង់ទន់ អាចកាច់បត់បែនបាន អាចនឹងត្រូវបង្ហាញមុខមាត់ថ្មីស្រឡាង របស់ខ្លួននៅក្នុងព្រឹត្តិការណ៍ Samsung Developer Conference ធ្វើឡើងនៅចុងឆ្នាំនេះ៕
