កាលពីពេលកន្លងមក CEO របស់ក្រុមហ៊ុន Samsung ធ្លាប់បានបង្ហើបឲ្យដឹងថាស្មាតហ្វូនដែលមានអេក្រង់អាចបត់បានជាលើកដំបូងរបស់ខ្លួននឹងត្រូវបង្ហាញខ្លួន នៅចុងឆ្នាំ ២០១៨ នេះ។ ប៉ុន្តែមិនទាន់បានចេញផង ពេលនេះ ក្រុមហ៊ុនរបស់ចិនមួយស្រាប់តែធ្វើការបង្ហាញទូរស័ព្ទអាចបត់អេក្រង់នេះមុនបាត់។
Royole Flexplay បានបំពាក់មកជាមួយឈីប Qualcomm Snapdragon ៨១៥០ ហើយមាន RAM ៨GB និងអង្គចងចាំ ២៥៦GB និងមានរន្ធបន្ថែម microSD ដល់ ២៥៦GB ផងដែរ។ ស្មាតហ្វូននេះ មានអេក្រង់ ៧,៨អ៊ីញដែលនឹងអាចបត់ជាទម្រង់ដូចសៀវភៅបាន មានកម្រិត resolution 1920x1440px។ Royole Flexpai មានកាមេរ៉ាក្រោយទំហំ ២០MP និងខាងមុខ ១៦MP និងមានម៉ូដែលផ្សេងមួយទៀតគឺ ៦GB និង ១២៨GB។ Flexpai ប្រើផ្ទៃសូហ្វ៊ែរ Water OS ១.0 និងរត់ដោយប្រព័ន្ធប្រតិបត្តិការ Android OS ជំនាន់ចុងក្រោយ Android ៩.0 Pie។ អ្នកអាចស្វែងយល់លក្ខណៈសម្បត្តិលំអិតបន្ថែមពីស្មាតហ្វូនបត់ Royole Flexpai៕
