ដើម្បីគេចចេញពីស្ថានភាពតាមគ្នាលើការបំពាក់អក្រង់ឆក ក្រុមហ៊ុនផលិតទូរស័ព្ទរបស់ចិន Nubia បានរកឃើញ វិធីមួយដោយសុខបំពាក់អេក្រង់ភ្លោះមុខក្រោយជំនួសវិញ។ ប៉ុន្តែចំណុចនេះ ក្រុមហ៊ុនត្រូវបំខំចិត្តលុបទាំងកាមេរ៉ាថតរូប Selfie ទៅជាមួយដែរ ដើម្បីឲ្យខាងអេក្រង់ខាងមុខលាតពេញគ្មានចន្លោះឆកដូចមុន។
Nubia X ជាស្មាតហ្វូនមានអេក្រង់លាតពេញផ្ទៃ មានអេក្រង់ទំហំ ៦,២៦ អ៊ីញ។ ដើម្បីអាចផលិតស្មាតហ្វូនអេក្រង់លាតនេះ Nubia បានដកកាមេរ៉ា Selfie ចេញ ប៉ុន្តែបានបន្ថែមមកវិញនូវអេក្រង់មួយទៀតនៅផ្នែកខាងក្រោយ ដែលអាចប្រើប្រាស់សម្រាប់ថត Selfie ជាមួយកាមេរ៉ាភ្លោះ។
អេក្រង់ផ្នែកខាងក្រោយមានទំហំ ៥,១ អ៊ីញ អាចប្រើដើម្បីថត Selfie, អាចធ្វើជា Wallpaper និងប្រើដើម្បីបញ្ជាមុខងារផ្សេងៗមួយចំនួនទៀត។ ក្រៅពីមានអេក្រង់ភ្លោះហើយ ស្មាតហ្វូននេះក៏មានទ្រនាប់ស្កេនម្រាមដៃដល់ទៅពីរ ស្ថិតនៅផ្នែកទាំងសងខាងនៃទូរស័ព្ទ។
- កាមេរ៉ាភ្លោះកម្រិត ១៦ MP + ២០ MP អាចថតរូប Portrait និងមានបច្ចេកវិទ្យា AI អាចផលិតរូបភាពបានកាន់តែទាក់ទាញ
- ប្រើបន្ទះឈីប Snapdragon 845 មាន RAM ទំហំ ៦ GB/៨ GB និងអង្គផ្ទុក ៦៤ GB/២៥៦ GB
- ប្រើប្រព័ន្ធប្រតិបត្តិការ Android 8.1 Oreo
- ថ្មទំហំ ៣៨០០ mAh
- តម្លៃចាប់ពីប្រមាណ ៤៧៥ ដុល្លារ ដល់ ៦១៥ ដុល្លារ លក់ផ្ដាច់មុខនៅប្រទេសចិន
