រាជធានីភ្នំពេញ៖ ដើម្បីអបអរសាទរដល់ព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ក្រុមហ៊ុន Nokia ប្រចាំប្រទេសកម្ពុជា បានប្រកាសចេញនូវកម្មវិធីបញ្ចុះតម្លៃពិសេសសម្រាប់ម៉ូឌែលទូរស័ព្ទត្រកូល 6 គឺ Nokia 6 និង Nokia 6 (2018) ជូនចំពោះអ្នកគាំទ្រដែលចង់បានស្មាតហ្វូន Nokia មានសមត្ថភាពដំណើរការលឿនដោយប្រពន្ឋ័ប្រតិបត្តិការ Android និងមានតម្លៃសមរម្យ ដែលនេះជាឱកាសដ៏ល្អកម្រមានពីមុន។
បញ្ចុះតម្លៃពិសេសចំពោះទូរស័ព្ទ Nokia 6 ដែលតម្លៃដើម 229 មកត្រឹម 199 ដុល្លារ និងទូរស័ព្ទ Nokia 6 (2018) តម្លៃដើម 249 មកត្រឹម 219 ដុល្លារ។ សម្រាប់កម្មវិធីបញ្ចុះតម្លៃនេះ អតិថិជនទាំងអស់រកជាវបាននៅតាមហាងលក់ទូរស័ព្ទទូទាំងប្រទេស ចាប់ថ្ងៃផ្សាយដំណឹងនេះ រហូតអស់ពីស្ដុក។
សម្រាប់ទូរស័ព្ទ Nokia 6 មានអេក្រង់ទំហំ 5.5 អ៊ីង ដែលអាច បង្ហាញរូបភាពបានក្នុងកម្រិត Full HD, មានតួខ្លួន ស្រោបដោយអាលុយមីញ៉ូម ប្រភេទ 6000 ដែលវាមានភាពប្រណិត ហើយក៏រឹងមាំផងដែរ។ ស្មាតហ្វូននេះ ប្រើ នូវ បន្ទះឈីប Snapdragon 430 ហើយមាន Ram ទំហំ 3GB មានអង្គផ្ទុក ទិន្នន័យ 32GB កាមេរ៉ាក្រោយទំហំ 16 មេហ្គាភិចសែល មុខទំហំ 8 មេហ្គាភិចសែល។
ដោយឡែកទូរស័ព្ទ Nokia 6 (2018) ត្រូវបានរចនាឡើងឲ្យមានសមត្ថភាពមុខងារកាន់តែខ្ពស់ និងជាប់ធន់ជាងមុន ប្រើប្រាស់ បន្ទះឈីបរបស់ក្រុមហ៊ុន Qualcomm® លេខ SnapdragonTM 630 អមជាមួយ RAM ទំហំ 3GB ទៅតាមទំហំ អង្គផ្ទុកទិន្នន័យ 32GB ធ្វើឲ្យទូរស័ព្ទនេះអាចប្រតិបត្តិការ លឿនជាងមុន 60%។ Nokia 6 (2018) ស៊េរីថ្មីត្រូវបានអភិវឌ្ឍន៍ កាន់តែល្អជាងមុន ដោយមានអេក្រង់ទំហំ 5.5 អ៊ីញ ដែលធ្វើឲ្យលោកអ្នក កាន់តែរីករាយក្នុងការទស្សនាវីដេអូដោយទទួលយកនូវ បទពិសោធន៍ថ្មី និងមានប្រតិបត្តិការលឿន ជាមួយនឹងទំហំថ្ម 3000mAh និងខ្សែសាក USB ប្រភេទ-C ដែលអ្នកអាច សាកថ្មបានលឿនជាងមុន ដល់ទៅ 50% ក្នុងរយៈពេលតែ 30 នាទីប៉ុណ្ណោះ។
កញ្ចក់កាមេរ៉ាក្រោយ ZEISS ដែលមានទំហំ 16MP ជាមួយ Dual Tone Flash និង កាមេរ៉ាមុខទំហំ 8MP សម្រាប់ការថត selfie អាចឲ្យអ្នកផ្តិតយកនូវរូបភាព ដ៏ល្អឥតខ្ចោះ។ ទូរស័ព្ទ Nokia 6 (2018) នេះ ប្រើជាមួយបច្ចេកវិទ្យា Dual-Sight ដែល អាចឲ្យអ្នកថតរូប #Bothie ហើយនឹងធ្វើការ Live ផ្ទាល់លើ បណ្តាញសង្គម Facebook និង YouTube ផងដែរ។ សម្រាប់ព័ត៌មានបន្ថែមសូមទាក់ទងលេខ 012879 707៕
អត្ថបទដោយ៖ វឌ្ឍនៈ
