បរទេស៖ នៅក្នុងព្រឹត្តិការ WWDC ដែល Apple បានរៀបចំជាលក្ខណៈ Online កាលពីថ្ងៃទី ២២ ខែមិថុនា កន្លងទៅថ្មីៗនេះ Apple បានប្រាប់ព័ត៌មានពិសេសមួយសម្រាប់ម្ចាស់ AirPods Pro នោះគឺ Apple នឹងចាប់ផ្ដើមអនុញ្ញាតឲ្យ ឧបករណ៍ AirPods Pro ទាំងអស់អាចធ្វើបច្ចុប្បន្នភាព firmware (firmware update) ពី version 2D15 ទៅកាន់ version 2D27 ។
ចំពោះ firmware ថ្មីនេះ នឹងផ្ដល់បទពិសោធន៍ថ្មីដល់ម្ចាស់របស់ AirPods Pro ទាំងអស់ ជាមួយបច្ចេកវិទ្យាសំឡេង «Spatial Audio» (surround sound) ។
យ៉ាងណាមិញមកទល់ពេលនេះ Apple នៅមិនទាន់សម្រួលឲ្យ AirPods Pro ទទួលបានការធ្វើបច្ចុប្បន្នភាព firmware ដោយស្វ័យប្រវត្តិឡើយពេលភ្ជាប់ឧបករណ៍ AirPods Pro ទៅកាន់ឧបករណ៍ Apple ណាមួយដូចជា Iphone ឬ Ipad ។
សូមបញ្ជាក់ថា ដើម្បីដឹងអំពី firmware Version នៃ AirPods Pro របស់អ្នក សូមភ្ជាប់ឧបករណ៍ AirPods Pro របស់អ្នកទៅកាន់ឧបករណ៍ Apple ណាមួយដូចជា Iphone ឬ Ipad រួចចូលទៅកាន់ Settings > General > About > AirPods ៕
ប្រភព៖ gsmarena
