ដូចអ្វីដែលព័ត៌មានជាច្រើនបានចុះផ្សាយ ក្រុមហ៊ុន Samsung ពិតកំពុងដំណើរការគម្រោងស្មាតហ្វូនមានអេក្រង់អាចបត់បានពិតមែន ខណៈកាលក្នុងអំឡុងសន្និសីទ SDC 2018 នេះក្រុមហ៊ុន Samsung ទើបប្រកាសអេក្រង់ថ្មី Infinity Flex Display មានលក្ខណៈពិសេសអាចបត់បាន ហើយនឹងផ្ទៃសូហ្វ៊ែរដ៏យូរលង់កែមុខមាត់ថ្មី One UI សម្រាប់បំពាក់លើទូរស័ព្ទបត់ foldable របស់ក្រុមហ៊ុន។
អ្វីដែលជាចំណុចខុសប្លែកពីអេក្រង់ទូទៅ នៅលើអេក្រង់ Infinity Flex Display គឺសមាសធាតុផលិត។ IFD ត្រូវបានផលិតឡើងពីបន្ទះ OLED យឺត ដែលអាចឲ្យយើងពត់បត់បានដោយមិនរងផលខូចខាតឡើយ។ វានឹងជាសមាសធាតុសំខាន់មួយសម្រាប់ក្រុមហ៊ុនផលិតស្មាតហ្វូនបត់នានាពេលអនាគត។
សម្រាប់អេក្រង់របស់ទូរស័ព្ទនេះ មានទំហំ 7.3 អ៊ីញ ប្រភេទ OLED ជាមួយផ្ទៃលាតធំខ្លាំង ដែលវាទំហំប៉ុននេះ យើងអាចនិយាយបានថា វាក្លាយជាថេប្លេត (ប្រភេទ Mini) មួយបាត់ហើយ។ វាជាការបោះជំហ៊ានថ្មីមួយ ដែលក្រុមហ៊ុន Samsung បានបញ្ចប់គម្រោងការណ៍ផលិត ជាមួយការប្រើពេលពិសោធន៍ និងតេស្តអស់រយៈពេលជាយូរមកហើយនោះ ទម្រាំមានថ្ងៃនេះ កើតឡើង។អ្វីដែលកាន់តែពិសេសទៀតនោះ វាមានភ្ជាប់ការប្រើប្រាស់ជាមួយ UI ជំនាន់ថ្មី ដែលខាងក្រុមហ៊ុន បានអោយឈ្មោះហៅមួយនឹងគេដែរថា One UI។ សម្រាប់ UI ជំនាន់ថ្មីនេះ បង្កើតមកសម្រាប់អោយប្រើនៅលើទូរសព្ទដែលមានអេក្រង់អាចបត់បាន ឯទូរសព្ទដែលមិនអាចបត់អេក្រង់នោះ ក៏អាចប្រើបាននឹងគេ ផងដែរ ព្រោះថា នៅក្នុងពេលខាងមុខៗទៀតនោះ Samsung Experience នឹងត្រូវចូលនិវត្តន៍ លែងប្រើបានទៀតហើយ ដោយវានឹងត្រូវងាកមកប្រើ One UI វិញម្តង។
