កាលពីពាក់កណ្ដាលខែកញ្ញា ក្រុមហ៊ុន Xiaomi បានដាក់ចេញនូវស្មាតហ្វូន Mi 8 Lite តំណាលគ្នាជាមួយ Mi 8 Pro ជាមួយនឹងជម្រើសផ្ទុកត្រឹម ៦៤GB លើ Ram ៤GB ប៉ុណ្ណោះ ប៉ុន្តែថ្មីៗនេះ ខ្លួនបានបន្ថែមនូវជម្រើសដ៏ល្អមួយទៀតសម្រាប់អ្នកគាំទ្រជាមួយនឹង Ram ទំហំ 6GB អង្គផ្ទុកទិន្នន័យ 128GB។
សម្រាប់ទូរស័ព្ទ Mi 8 Lite នេះ មានបំពាក់អេក្រង់លាតទំហំ 6.26 អ៊ីញ ជាប្រភេទ IPS-LCD អាចបង្ហាញរូបភាពក្នុងកម្រិត 1080 x 2280 ភិចស៊ែល។ វាប្រើប្រាស់បន្ទះឈីប Snapdragon 660, មាន CPU ចំនួន 8 គ្រាប់ រត់ក្នុងល្បឿន 2.2GHz និងដំណើរការដោយ ប្រព័ន្ធប្រតិបត្តិការ Android 8.1 Oreo។ ស្មាតហ្វូននេះ មានកាមេរ៉ាខាងមុខទំហំ 24 មេហ្គាភិចសែល ចំណែកកាមេរ៉ាខាងក្រោយវិញ មានទំហំ 12 មេហ្គាភិចសែល មានកម្រិត Aperture f/1.9 + 5 មេហ្គាភិចសែល មានកម្រិត Aperture f/2.0 អមជាមួយភ្លើង Flash LED មួយគ្រាប់។
នេះជាទូរស័ព្ទ Mi 8 Lite ដែលមានអង្គផ្ទុកទិន្នន័យទំហំ 128GB សម្រាប់ម៉ូឌែលមានរ៉េមទំហំ 4GB បន្ថែមពីលើទំហំ អង្គផ្ទុកទិន្នន័យ 64GB ។ ស្មាតហ្វូននេះ នឹងត្រូវដាក់លក់នៅថ្ងៃទី 16 ខែវិច្ឆិកា ឆ្នាំ 2018 ឆាប់ៗខាងមុខនេះ ក្នុងប្រទេសចិន ដោយតម្លៃរបស់វា មិនទាន់ត្រូវបានគេបង្ហាញ អោយបានដឹងនៅឡើយទេ៕
