រាជធានីភ្នំពេញ៖ បន្ទាប់ពីទទួលបានការគាំទ្ររហូតលកដាច់ស្តុករកទូរស័ព្ទ ដើម្បីបំពេញតម្រូវអ្នកប្រើប្រាស់មិនគ្រប់គ្រាន់ ក្រោយពីចេញលក់កាលពីព្រឹកថ្ងៃទី ២៤ ខែតុលាកន្លងទៅ ពេលនេះទូរស័ព្ទរាងឡូយអេក្រង់បែបក្បាលឆក តម្លៃសមរម្យ ទូរស័ព្ទ Nokia 6.1 Plus បានត្រលប់មកវិញហើយចាប់ពីថ្ងៃទី ២៣ ខែវិច្ឆិកា ឆ្នាំ ២០១៨ នេះ បើយោងតាមការប្រាប់ពីអ្នកគ្រប់គ្រងក្រុមហ៊ុន HMD Global ប្រចាំនៅប្រទេសកម្ពុជា និងឡាវ កាលពីម្សិលមិញនេះ។
លោក គៀង សុខផេង អ្នកគ្រប់គ្រងក្រុមហ៊ុន HMD Global ប្រចាំនៅប្រទេសកម្ពុជា និងឡាវ បានមានប្រសាសន៍ថា៖ “ក្រោយចេញលក់បានមួយរយៈ ទូរស័ព្ទ Nokia 6.1 Plus បានទទួលការគាំទ្រយ៉ាងច្រើនពីអ្នកប្រើប្រាស់កម្ពុជា រហូតលក់ដាច់ស្តុក។
អ្នកគ្រប់គ្រង់ខាងលើបន្តថា សម្រាប់ពេលនេះ ទូរស័ព្ទ Nokia 6.1 Plus ចាប់ផ្ដើមមានស្តុកថ្មីវិញហើយ ដែលអ្នកប្រើប្រាស់ទាំងអស់អាចរកជាវបាននៅតាមហាងនានាក្នុងរាជធានី ខេត្ត ក្នុងតម្លៃ ២៦៩ ដុល្លារ ជាមួយនឹងការថែមជូនកាបូបស្ពាយដ៏ស្រស់ស្អាតមួយ រួមនឹងស៊ីមកាត Cellcard ដែលមាន Free អ៊ីនធើណែតទំហំ ១០ GB ក្នុងមួយខែសម្រាប់រយៈពេលពេញមួយឆ្នាំដដែល។
សូមរំឮកដែលថា៖ ទូរស័ព្ទ Nokia 6.1 Plus មានរូបរាងដ៏ប្រណិតជាមួយនឹងអេក្រង់ ៥.៨ អ៊ីង Full HD+ អាចបង្ហាញរូបភាពកម្រិត ២២៨០x១០៨០ ភិចសែល និងខ្នាតបង្ហាញរូបភាពប្រភេទ 19:9 Aspect Ratio ហើយមានកញ្ចក់ការពារ ២.៥D Corning Gorilla Glass 3 ។ ស្មាតហ្វូននេះ ដំណើរការដោយបន្ទះឈីប Qualcomm Snapdragon 636 រួមជាមួយ RAM ទំហំ ៤GB និងទំហំផ្ទុកខាងក្នុងទំហំ ៦៤GB ។
ចំពោះសមត្ថភាពថតរូបទូរស័ព្ទនេះ មានកាមេរ៉ាក្រោយ ២ គ្រាប់ទី១ ទំហំ ១៦ មេហ្គាភិចសែល ជាមួយ f/២.0 Aperture និងកាមេរ៉ាទី ២ ទំហំ ៥ មេហ្គាភិចសែល ជាមួយ f/២.៤ Aperture ។ នៅផ្នែកខាងមុខ មានកាមេរ៉ាទំហំ ១៦ មេហ្គាភិចសែល ជាមួយ f / ២.0 aperture សម្រាប់ការថតរូបខ្លួនឯង Selfie និងវីដេអូ។ វាមានថ្មថាមពល ៣០៦០mAh គាំទ្រដោយបច្ចេកវិទ្យា Quick Charge 3.0 និងដំណើរការដោយប្រព័ន្ធប្រតិបត្តិការ Android 8.1 Oreo ហើយអាច Update ទៅកាន់ Android Pie បានភ្លាម៕
