បន្ទាប់ពីមានព៏ត៌មានបែកធ្លាយជាច្រើនទាក់ទងនឹងស្មាតហ្វូនស៊េរីថ្មីរបស់ Nokia ដែលត្រៀមបង្ហាញខ្លូនក្នុងព្រឹត្តិការមួយក្នុងទីក្រុងឌូបៃ ការបែកធ្លាយរូបគំរូនៃទូរស័ព្ទ Nokia 8.1 ជារឿងធំមួយ បញ្ជាក់ពីអ្វីដែលយើងបានសង្ស័យជាយូរមកហើយ។
តាមរយៈការចុះផ្សាយលើគេហទំព័រ Gsmarena ទូរស័ព្ទ Nokia 8.1 អាចនឹងបំពាក់ដោយ បន្ទះ Chipset Snapdragon 710 និងមានកាមេរ៉ាក្រោយភ្លោះដែលមានសមត្ថភាពថតរូបបានច្បាស់មិនថាក្នុងស្ថានភាពពន្លឺទាប ហើយមានកាមេរ៉ាមុខទំហំរហូតដល់ 20 MP ប្រើបច្ចេកវិទ្យា IA imaging ដំណើរលើប្រព័ន្ធ Android Pie ។ ដោយសមត្ថភាពថ្មមានទំហំ 3500mAh អាចប្រើ 2 ថ្ងៃដោយគ្មានបញ្ហា ជាមួយនឹងជម្រើស Ram 4GB/64GB Rom និង Ram 6GB/128GB Rom។
យ៉ាងណាមិញ ចំពោះដំណឹងវាមិនទាន់អាចយកជាការបាននៅទេ លុះណា Nokia ប្រកាសជាផ្លូវនៅថ្ងៃទី 5 ខែធ្នូ ឆ្នាំ 2018 ខាងមុននេះ៕
