លោកស្រី ម៉េង វ៉ានចូវ (Meng Wanzhou) ប្រធានផ្នែកហិរញ្ញវត្ថុក្រុមហ៊ុន Huawei ត្រូវជាកូនស្រីម្នាក់របស់ស្ថាបនិកក្រុមហ៊ុន Huawei គឺលោក រិន ចេងហ្វៃ (Ren Zhengfei) ត្រូវបានចាប់ខ្លួននៅក្នុងទីក្រុង វែនខូវើ (Vancouver) ប្រទេសកាណាដា កាលពីថ្ងៃទី០១ ខែធ្នូកន្លងទៅ ពីបទសង្ស័យថា បានរំលោភបំពានលើទណ្ឌកម្មអាមេរិកប្រឆាំងអ៊ីរ៉ង់ ។
យ៉ាងណាមិញការចាប់ខ្លួន នាយកប្រតិបត្តិជាន់ខ្ពស់នៃក្រុមហ៊ុនបច្ចេកវិទ្យាយក្សចិនមួយនេះ បានធ្វើឱ្យមានការព្រួយបារម្ភអំពីភាពតានតឹងបន្ថែមទៀតរវាងចិន និងសហរដ្ឋអាមេរិក។
ជាក់ស្ដែង ផ្សារហ៊ុនអាមេរិកបានធ្លាក់ចុះកាលពីថ្ងៃព្រហស្បតិ៍ ខណៈដែលទីផ្សារអាស៊ីហាក់ដូចជាស្ថិតនៅក្នុងការកំណត់មួយ ។
ជាមួយគ្នានេះ ភាគហ៊ុនរបស់អូស្ត្រាលីបានធ្លាក់ចុះ 0.3% ប៉ុន្តែសន្ទស្សន៍ហ៊ុន MSCI ធំជាងគេនៅតំបន់អាស៊ីប៉ាស៊ីហ្វិកក្រៅពីប្រទេសជប៉ុនបានប្រែប្រួលបន្តិចបន្តួច មុនពេលបើកទីផ្សារផ្សេងទៀតក្នុងតំបន់។
សរុបមកការចាប់ខ្លួននេះ វាបានបង្កើនអារម្មណ៍នៃការប៉ះទង្គិចដ៏ធំរវាងមហាអំណាចសេដ្ឋកិច្ចធំ ៗ ទាំងពីរ មិនត្រឹមតែលើពន្ធគយប៉ុណ្ណោះទេ ប៉ុន្តែថែមទាំងលើប្រព័ន្ធអនុត្តរភាពបច្ចេកវិជ្ជាផងដែរ ៕
