ក្មេងប្រុសជនជាតិឥណ្ឌាបានធ្វើឱ្យពិភពលោក និង CEO របស់ Microsoft លោក Satya Nadella មានការចាប់
អារម្មណ៍ជាខ្លាំង ខណៈរូបគេប្រកាស់ចង់ក្លាយជា CEO នៃក្រុមហ៊ុន Microsoft ស្រប់ពេលរូបគេមានអាយុត្រឹមតែ 8 ឆ្នាំ។
ក្នុងបទសម្ភាសជាមួយនឹងបណ្ដាញទូរទស្សន៍ CNBC ក្នុងព្រឹត្តិការណ៍ដាក់បង្ហាញពីបច្ចេកវិទ្យា អេឡិចត្រូនិច ក្មេងប្រុសឥណ្ឌាឈ្មោះ Medansh Mehta ជាសិស្សនៅក្នុងទីក្រុង Mumbai បានបង្ហើបពីគោលបំណងទៅអនាគត់របស់គេថា គឺចង់ក្លាយជាអ្នកនាំក្រុមហ៊ុនដូចលោក Satya Nadella ដែរ។
ដើមទននៃដំណើររឿងរ៉ាវដែលនាំឱ្យ Medansh មានបំណង និងមហិច្ចតាធំបែបនេះ គឺដំបូងឡើយ គេបានជួបនឹង CEO របស់ក្រុមហ៊ុន Microsoft គឺលោក Satya Nadella ខណៈពេលដែល បានចុះទស្សនៈកិច្ចនៅក្នុងប្រទេសឥណ្ឌា កន្លងទៅថ្មីៗនេះ។ នៅកំឡុងពេលនោះ លោក Nadella ក៏បានប្រទះ ជួបនឹង Medansh តែម្តង ខណៈពេលដែលក្មេងប្រុស ម្នាក់នេះបានបង្កើតហ្គេម ដ៏គួរឱ្យចាប់អារម្មណ៍មួយមានឈ្មោះថា “Let There Be Light” ដែលជាប្រភេទហ្គេមល្បងប្រាជ្ញានៅក្នុងព្រឹត្តិការណ៍ដាក់បង្ហាញពីបច្ចេកវិទ្យាអេឡិចត្រូនិច។
បន្ទាប់ពីរូបគេបានជួបនឹងលោក Satya Nadella ហើយ គេបានសួរថា តើធ្វើដូចម្ដេចទើបអាចក្លាយខ្លួនជានាយក ប្រតិបត្តិ (CEO) ក្រុមហ៊ុន Microsoft បាន? ភ្លាមៗនោះ លោក Nadella ក៏បានឆ្លើយតបមកវិញដែរថា៖«ក្មួយបានត្រៀមខ្លួនជាស្រេច ទៅហើយសម្រាប់ជំនួសតំណែងរបស់ខ្ញុំ»។
ទាក់នឹងចំណុចនេះ ត្រូវបានមហាជនចោទជាសំនួរថា ហេតុអ្វីបានក្មេងទើបអាយុ 8 ឆ្នាំ អាចមានសមត្ថភាពបង្កើតហ្គេមដ៏គួរឱ្យចាប់អារម្មណ៍យ៉ាងនេះ? ចម្លើយនៃរឿងនេះ ត្រូវបានភ្នាក់ងារទូរទស្សន៍ CNBC ក្មេងប្រុសឥណ្ឌានេះ បានទទួលការបង្រៀនពីឪពុករបស់គេ ដែលជាអ្នកសរសេរកូដ ទើបធ្វើឲ្យក្មេងប្រុសនេះ អាចបង្កើតនូវហ្គេមបែបផ្សងព្រេងដ៏ទាក់ទាញមួយឡើង៕
