ឈ្លោះចុះឈ្លោះឡើង Facebook ដក Blue Tick លើផេករបស់ Apple ចោលបាត់

ជម្លោះរវាង Facebook និង Apple ដើរដល់ចំណុចក្ដៅ ក្រោយពេល Apple បិទមិនឲ្យ Facebook ធ្វើការប្រមូលទិន្នន័យអ្នកប្រើចាប់ពី iOS 14 លុះត្រាតែមានការអនុញ្ញាត ហើយកាលពីថ្ងៃទី ២២ ផេកហ្វេសប៊ុកផ្លូវការរបស់ Apple ត្រូវបានក្រុមហ៊ុន Facebook ធ្វើការដក់នូវ Blue Tick បាត់ទាំងយប់។​

គូប្រជែងធំ ៗ របស់ Apple ដូចជា Microsoft, Hewlett Packard, និង Samsung សុទ្ធតែត្រូវបាន Facebook ផ្តល់ឲ្យ។ ចំពោះរឿងដក់ Blue Tick មិនត្រូវបាន Facebook និយាយអ្វីទាំង។ យ៉ាងណាមិញ Instagram ផ្លូវការរបស់ Apple នៅតែទទួលបាន Blue Tick ដដែលទេ ខណៈវាជារបស់តែមួយរបស់ Facebook។

សូមបញ្ជាក់ដែរថា៖ ចាប់​ពី​ដើម​ឆ្នាំ​ក្រោយ Apple ​តម្រូវ​ឲ្យ​​កម្មវិធី​ទាំង​អស់​ត្រូវ​សុំ​ការ​អនុញ្ញាត​ពី​អ្នក​ប្រើ​ប្រាស់​ក្នុង​ការ​ប្រមូល​យក​ចំណង់​ចំណូល​ចិត្ត​អំពី​​ការ​ផ្សាយ​ពាណិជ្ជកម្ម​របស់​អ្នក​ប្រើ​ប្រាស់ ដែល​ទិន្នន័យ​នេះ​នឹង​ត្រូវ​ប្រើ​ដើម្បី​​ការ​ផ្សាយ​ពាណិជ្ជកម្ម​​របស់​ក្រុមហ៊ុន​ពាណិជ្ជកម្ម​ចេញ​ទៅ​ចំ​គោលដៅ។ យ៉ាងណាមិញ Facebook បានឆ្លើយតប់ ដោយ​មិន​យល់​ស្រប​នឹង​​គោលការណ៍​ថ្មី​របស់​ Apple ​នោះ​ទេ។

Facebook បាន​បន្ត​រៀប​រាប់​ថា​​​គោលការណ៍​របស់ Apple គឺ​គិត​តែ​ពី​ប្រាក់​ចំណេញ មិន​មែន​ឯកជន​ភាព​នោះ​ទេ។ Facebook អះអាង​ថា​​អាជីវកម្ម​តូចៗ​នឹង​ត្រូវ​បង្ខំ​ចិត្ត​ប្រើ​ប្រាស់​ការ​បង់​លុយ​ប្រើ​ប្រាស់​សេវាកម្ម និង​ការ​លក់​របស់​របរ​បន្ថែម​ក្នុង​កម្មវិធី​ដើម្បី​​​រក​ប្រាក់​ចំណូល ដែល​ចុង​ក្រោយ​ Apple គឺ​ជា​អ្នក​ចំណេញ។

​ជា​ការ​ឆ្លើយ​តប​នឹង Facebook ខាង Apple បាន​​ធ្វើ​ការ​ពន្យល់​ថា​ Facebook អាច​ប្រាប់​អ្នក​ប្រើ​ប្រាស់​អំពី​មូលហេតុ​នៃ​ការ​សុំ​ប្រមូល​យក​ទិន្នន័យ​របស់​អ្នក​ប្រើ​ប្រាស់​បាន និង​បាន​បន្ថែម​ថា​គោលការណ៍​ថ្មី​លើ iOS 14 មិន​បាន​តម្រូវ​ឲ្យ Facebook ប្ដូរ​វិធីសាស្ត្រ​ប្រមូល​យក​ទិន្នន័យ​ពី​អ្នក​ប្រើ​ប្រាស់​នោះ​ទេ គឺ​គ្រាន់​តែ​តម្រូវ​ឲ្យ​ Facebook ផ្ដល់​ជូន​ជម្រើស​ដល់​អ្នក​ប្រើ៕​​​​​​​​​​​

ប្រភព