ទីបំផុត Hondaបញ្ចេញរថយន្តភីកអាប់Honda Ridgeline ឆ្នាំ២០២១ហើយ

ថ្មីៗនេះក្រុមហ៊ុន Honda បានប្រកាសនូវវត្តមានរថយន្តភីកអាប់ស៊េរីឆ្នាំ២០២១ របស់ខ្លួនដែលមានឈ្មោះថា Honda Ridgelineជាមួយតម្លៃជាង៣ម៉ឹនដុល្លារ។​

Honda Ridgeline ជំនាន់ថ្មីនេះ ត្រូវបានរចនារូបរាងខាងក្រៅមើលទៅហាក់ដូចជាមានអំណាចនិងកាចជាងជំនាន់មុន ចាប់តាំងពីគម្របម៉ាស៊ីនថ្មី, ប៉ាណាមុខនិងកាងមុខថ្មីផងដែរ ។

រថយន្តភីកអាប់មួយនេះមានបំពាក់ម៉ាស៊ីនចំណុះ៣,៥លីត្រ ទំហំ៦ស៊ីឡាំង មានកម្លាំង២៨០សេះដំណើរការដោយ​​ប្រអប់លេខអូតូ៩វគ្គ និងប៉ុងពីរមកស្តង់ដារតែម្តង។

ចំពោះប្រព័ន្ធសុវត្ថិភាព  Honda Ridgeline ឆ្នាំ ២០២១​ បានបំពាក់មកនូវមុខងារដូចជា​ Collision Mitigation Braking System with Forward Collision Warning, Lane Keeping Assist System, Road Departure Mitigation with Lane Departure Warning និង Adaptive Cruise Control ជាដើម។

សូមជម្រាបជូនថា រថយន្ត​ Honda Ridgeline ស៊េរីឆ្នាំ ២០២១ ដែលជារថយន្តភីកអាប់ ស័ក្ដិសមសម្រាប់រត់លើផ្លូវលំបាកនេះ មានតម្លៃ ចាប់ពី ៣៧ ៦៦៥ដុល្លារ សម្រាប់ទីផ្សារសកល ៕

ប្រភព៖ carscoops