យោងតាមរបាយការណ៍ពី GF Securities នៅហុងកុង បានធ្វើការបង្ហើបឲ្យដឹង នៅក្នុងឆ្នាំ ២០១៩ ខាងមុខនេះ គឺថាស្មាតហ្វូនជំនាន់ថ្មី របស់ក្រុមហ៊ុន Xiaomi ម៉ូឌែល Mi 9 និង Mi Mix 4 អាចនឹងលែងមានកាមេរ៉ាខាងក្រោយត្រឹម ២ គ្រាប់ទៀតហើយ ប៉ុន្តែវានឹងត្រូវបន្ថែមកាណុងកាមេរ៉ាឡើងទៅ ៣ គ្រាប់ ជាលើកដំបូង ដើម្បីចូលប្រកួតប្រជែង ហ្នឹងគេ។ ចំពោះស្មាតហ្វូនទាំង ២ ម៉ូឌែលនេះ ផងដែរ ត្រូវបានគេរំពឹងថា វាអាចនឹងប្រើប្រាស់បន្ទះឈីបខ្លាំង ជំនាន់ចុងក្រោយ Snapdragon 855 របស់ Qualcomm ជាមួយគេដែរ។
ទាំង Mi 9 និង Mi Mix 4 ត្រូវគេរំពឹងថា នឹងបំពាក់ឈីប Snapdragon 855 របស់ Qualcomm តែវាអាចជារឿងពុំគួរឱ្យភ្ញាក់ផ្អើលនោះឡើយ ព្រោះមិនត្រឹមតែ Xiaomi នោះទេដែលនឹងបំពាក់ឈីបជំនាន់ចុងក្រោយ តែស្មាតហ្វូនកំពូលដទៃទៀតរបស់បណ្ដាក្រុមហ៊ុនធំៗក៏បម្រុងនឹងកើតជាបណ្ដើរៗផងដែរ។
Mix 4 អាចនឹងប្រើអេក្រង់បត់បែនបាន ប៉ុន្តែពុំទាន់មានប្រភពណាហ៊ានអះអាងនៅឡើយ។ ខណៈជំនាន់ 5G នៃ Mi Mix 3 នឹងជាទូរស័ព្ទដំបូងរបស់ Xiaomi ដែលដើរប្រព័ន្ធ 5G ហើយ Mi 9 ក៏មាន 5G ដូចគ្នា៕
