បើទោះបីជាស្មាតហ្វូនបច្ចុប្បន្នត្រូវបានក្រុមហ៊ុនផលិតមកមានទំហំផ្ទុកធំជាងមុន និងអាចបន្ថែម SD Card ក៏ដោយក្ដី ប៉ុន្តែតម្រូវការអ្នកប្រើប្រាស់នៅតែមិនគ្រប់។ ក្នុងនោះប្រសិនបើយើងមិនចេះគ្រង់ទិន្នន័យក្នុងទូរស័ព្ទបានត្រឹមត្រូវទៀតនោះ វាក៏ធ្វើឱ្យដំណើរការបញ្ជាផ្សេងៗមានការរអាក់រអួលខ្លះដែរ។
សម្រាប់ថ្ងៃនេះ យើងសូមលើកយកនូវវិធីផ្លាស់ប្ដូរកម្មវិធី ឬហ្គេមលើទូរស័ព្ទ Android ទៅដាក់ក្នុង SD Card ជំនួសវិញ ដើម្បីសន្សំសំចៃ Memory ក្នុងទូរស័ព្ទ ព្រោះថាកាលណាទំហំផ្ទុកទំនេរច្រើន ការដំណើរការកម្មវិធី និងហ្គេមក៏ទៅមុខរលូនល្អផងដែរ។ ខាងក្រោមនេះ ជាវិធីចូលទៅធ្វើការផ្លាស់ប្ដូរ៖
- មុនដំបូង សូមចូលទៅកាន់ Settings
- បន្ទាប់មក អូសអេក្រង់ចុះទៅក្រោម ហើយចុចលើ Apps
- បន្ទាប់មកទៀត ចុចលើកម្មវិធីដែលចង់ផ្លាស់ប្ដូរទៅដាក់ក្នុង SD Card
- ចុចលើ Storage
- នៅក្រោម Storage Used សូមចុចលើ Change
(ទូរស័ព្ទនឹងបង្ហាញប្រាប់ ប្រសិនបើកម្មវិធី ឬហ្គេមមិនអាចផ្លាស់ប្ដូរទៅដាក់ក្នុង SD Card បាន)
- ចុចលើ SD Card
- ចុងក្រោយ ចុចលើ Move ជាការស្រេច
