ដូចអ្វីដែលក្រុមហ៊ុនបានប្រកាស ពេលនេះទូរស័ព្ទ Pocophone F1 បានទទួលការ Update សមត្ថភាពផ្នែក Software ដ៏ធំមួយសម្រាប់មុខងារ 960fps slow-mo mode និងមុខងារ Xiaomi’s Night mode ហើយ។
ក្រុមអ្នកអភិវឌ្ឍកម្មវិធីសម្រាប់ Pocophone បានបញ្ចេញកញ្ចប់សូហ្វ៊ែរជំនាន់ beta នៃ MIUI កាលពីខែមុនសម្រាប់ស្មាតហ្វូន Pocophone F1 ដែលទទួលបានមុខងារថ្មីបន្ថែមដូចជា super slo-mo video recording និងមុខងារ night mode ពិសេសសម្រាប់ថតបានពន្លឺច្បាស់ជាងមុនទោះនៅទីងងឹត។ ចំណែកពេលនេះ ជំនាន់ផ្លូវការ MIUI 10 v10.2.2.0 ត្រូវបានបញ្ចេញឱ្យប្រើបានជាសាធារណៈហើយ។
កញ្ចប់សូហ្វ៊ែរថ្មីបាននាំមកនូវមុខងារថត super slo-mo ពិសេសជាងមុនដែលអាចថតបាននៅកម្រិតហ្វ្រ៊េមខ្ពស់ដល់ 960fps តាមកម្មវិធីកាមេរ៉ាហ្ស៊ីនរបស់វាផ្ទាល់ លើសពី 120fps និង 240fps modes ដែលមានពីមុន។ ក៏មានមុខងារ night mode ថ្មីសម្រាប់ជំនួយថតរូបនៅទីងងឹតបានភ្លឺច្បាស់ជាងមុន ដែលជាការសំយោគចេញពី ៨សន្លឹករើសយកតែសន្លឹកណាមានគ្រាប់ noise តិចជាងគេ ផ្ដល់រូប exposed image បានល្អជាងមុន។
ទោះជាយ៉ាងណា Patch សូហ្វ៊ែរថ្មីនេះមិនទាន់ទ្រទ្រង់ការថតវីដេអូកម្រិត 4K នៅ 60fps នៅឡើយ ខណៈដែលក្រុមហ៊ុនធ្លាប់បានសន្យាកាលពីឆ្នាំមុនថា នឹងបញ្ចេញកញ្ចប់បច្ចុប្បន្នភាពសូហ្វ៊ែរអំឡុងខែកុម្ភៈឆ្នាំ ២០១៩។ កញ្ចប់សូហ្វ៊ែរនេះ អាចមានទំហំប្រហែល 311MB OTA update ដែលជាការប៉ះប៉ូវផ្នែកសុវត្ថិភាពបន្ថែមពីលើជំនាន់សូហ្វ៊ែរចុងក្រោយកាលពីខែធ្នូ ឆ្នាំ២០១៨៕
