ក្រៅពីដាក់សម្ពោធទូរស័ព្ទ Galaxy S10 ក្រុមហ៊ុន Samsung ត្រូវបានគេឲ្យដឹងថា អាចនឹងដាក់ចេញកាសឥតខ្សែថ្មីប្រើស្តង់ដារ Bluetooth 5.0 និងមានទំហំផ្ទុករហូតដល់ 8GB ប្រើសម្រាប់ផ្ទុកចម្រៀង ដំណាលគ្នាក្នុងព្រឹត្តិការណ៍ថ្ងៃទី 20 ខែកុម្ភៈ ឆ្នាំ 2019 នេះ។
Galaxy Buds នឹងមានលេខម៉ូដែល SM-R170 ហើយនឹងមានជម្រើសពណ៌ខ្មៅស និងពណ៌លឿង។ Galaxy Buds ត្រូវគេរាយការណ៍ទៀតថា នឹងកើតមកជាមួយអង្គផ្ទុកទិន្នន័យក្នុងកាសស្រាប់ទំហំ 8GB ធំជាង Gear IconX ដែលមានត្រឹម 3.4GB។ នេះមានន័យថា Galaxy Buds នឹងអាចរក្សាទុកបទចម្រៀងច្រើនជាង IconX ទ្វេដង។ ទោះបី FCC មិនបានឱ្យដឹងអំពីឈ្មោះផ្លូវការរបស់ Galaxy Buds តែវាអាចនឹងត្រូវបំពាក់ស្តង់ដារតំណភ្ជាប់ឥតខ្សែ Bluetooth 5.0៕
