តាមរយៈរូបភាពលិខិតអញ្ជើញមួយ ត្រូវបានគេបញ្ជាក់ថាជារបស់ក្រុមហ៊ុន Huawei ដែលនៅលើនៅបានបញ្ជាក់យ៉ាងច្បាស់នូវពេលវេលា និងពាក្យស្លោកថ្មី ជាមួយនឹងសណ្ឋានឌីហ្សាញបែបកោងរាងត្រីកោណ ជះពន្លឺតិចៗ ដែលគេអាចសន្ធិដ្ឋានបានថាជាស្មាតហ្វូនអេក្រង់កោង។
ជាមួយគ្នានេះ យើងក៏បានរកឃើញនូវរូបភាព Render ជាច្រើន ដែលបញ្ជាក់ថាវា ជាស្មាតហ្វូនអេក្រង់បត់របស់ក្រុមហ៊ុន Huawei ។ យ៉ាងណា ចំពោះឈ្មោះរបស់វាត្រូវបានគេសង្ឃឹមថាអាចនឹងមានឈ្មោះថា Mate Flex, Mate Flexi, Mate Fold ឬក៏អាចជា Mate F ជាដើម។
លើសពីនេះទៅទៀត បើសិនជាពត៌មានលេចធ្លាយពិតប្រាកដមែន នោះ Huawei នឹងជាក្លាយក្រុមហ៊ុនដំបូងបង្អស់ ដែលមានស្មាតហ្វូនអេក្រង់បត់ អាចប្រើប្រាស់បណ្ដាញប្រព័ន្ធ 5G បានមុនក្រុមហ៊ុនដទៃទៀតថែមទៀតផង។ ដូច្នេះ សូមតាមទាំងអស់គ្នា ក្នុងថែ្ងទី 24 ខែកុម្ភៈ ឆ្នាំ 2019 នេះ៕
