ក្រោយមានការចំអកពីអ្នកប្រើប្រាស់ ថាកាមេរ៉ានៅស្មាតហ្វូនរបស់ក្រុមហ៊ុន Sony មិនសូវខ្លាំង និងមិនសូវល្អដូចក្រុមហ៊ុនស្មាតហ្វូនចិន ថ្មីៗនេះមានព័ត៌មានមួយឲ្យដឹងថា ក្រុមហ៊ុន Sony ត្រៀមនឹងដាក់ចេញកាមេរ៉ាទំហំ 52MP នៅលើទូរស័ព្ទ Xperia XZ4 តែម្ដងសម្រាប់ចេញលក់នៅឆ្នាំ 2019 នេះ។
យោងតាមប្រព័ន្ធផ្សព្វផ្សាយជាច្រើនរបស់ប្រទេសជប៉ុន បានទម្លាយអោយដឹងនូវលក្ខណៈសម្បត្តិពិសេសៗរបស់ស្មាតហ្វូនស៊េរីថ្មី Sony Xperia XZ4 ជាមួយនឹងប្រព័ន្ធកាមេរ៉ា 3 គ្រាប់នៅផ្នែកខាងក្រោយ។ កាម៉េរានៅខាងលើគេ គឺមានទំហំ 16MP f/2.6 aperture ជាប្រភេទ Telescope ហើយនៅចំកណ្ដាល គឺជាសេនស័រកាម៉េរាដែលមានទំហំ 52MP f/1.6 aperture និងនៅផ្នែកខាងក្រោមគេ មានទំហំត្រឹមតែ 0.3MP f/1.4 aperture តែប៉ុណ្ណោះ ដោយវាគឺជាកាម៉េរាប្រភេទ ToF (Time of Flight) សម្រាប់ជំនួយលើការថតជាលក្ខណៈ 3D ផងដែរ។
យ៉ាងណាមិញ ការលេចធ្លាយលើកនេះ គឺមិនបានបញ្ជាក់ឲ្យច្បាស់លាស់ ឬក៏ភស្តុតាងអ្វីនោះឡើយ ដោយគ្រាន់តែជារូបភាពមួយសន្លឹក ដែលមានអក្សរសរេសរដាក់រៀបរាប់ប្រាប់ប៉ុណ្ណោះ ដូច្នេះយើងមិនអាចប្រាកដបានមួយរយភាគរយបាននោះទេ៕
