ក្រោយបែកធ្លាយពី Mi Pad 4 ពេលនេះក្រុមហ៊ុន Xiaomi បានប្រកាសថេប្លេតថ្មី Mi Pad 4 ជាផ្លូវការហើយមាន
តម្លៃត្រឹម $១៧០ តែភ្ជាប់លក្ខណៈសម្បត្តិងាយទទួលយកបាន 4GB/64GB។
Mi Pad 4 ភ្ជាប់ដោយទំហំអេក្រង់ ៨អ៊ីញកម្រិត 1920x1200px។ Mi Pad 4 ជាថេប្លេតតម្លៃធូរថ្លៃ តែបំពាក់មកជាមួយលក្ខណៈសម្បត្តិបង្គួរងាយទទួលយកបានដោយវាមានបែងចែកជម្រើស RAM 3GB និង 4GB ប្រើឈីប Octa Core ល្បឿន 2.2GHz និងមានក្រាហ្វិក Adreno 512 ហើយចែកជាពីរនូវជម្រើស RAM/Memory គឺ 3GB/32GB ឬ 4GB/64GB។ ថេប្លេតរបស់ក្រុមហ៊ុនទូរស័ព្ទល្បីឈ្មោះមួយនៅចិននេះ បានបំពាក់កាមេរ៉ាមុខទំហំ 5MP អមដោយមុខងារស្កេនមុខដោះសោ Face Unlock។ ចំណែកកាមេរ៉ាក្រោយទំហំ 13MP អាចថតវីដេអូកម្រិត Full HD។
ថេប្លេតស៊េរីថ្មីរបស់ Xiaomi នេះមាន WiFi និង Bluetooth 5.0 ហើយនឹងចេញលក់នៅទីផ្សារចិនជាមួយជម្រើសពណ៌ ខ្មៅ និងមាសក្រហម Rose gold រីឯតម្លៃគឺចាប់ពី ១០៩៩ យន់ ឬប្រហែល ១៧០ដុល្លារប៉ុណ្ណោះ៕
