ការពិតទៅវាមិនមែនជាដំណឹងល្អអ្វីខ្លាំងណាស់ណាទេ ប៉ុន្តែក៏មិនថាមិនល្អដែរ ព្រោះមានអតិថិជនច្រើនណាកំពុងរងចាំការដាក់ឲ្យ Update ទៅកាន់ប្រព័ន្ធថ្មីនេះជាយូរមកហើយ ទម្រាំតែ Samsung ដាច់ចិត្តដាក់ឲ្យ Update ដូចគេដូចឯង ស្របពេលដែល Galaxy Note 9, Galaxy S9 និង S9+ ទទួលបានទាំងពីខែមករា។
ណែអាប់ដេតដ៏ធំមួយរបស់ Galaxy Note 8 មានលេខសម្គាល់ N950FXXU5DSB2 ដោយវាបានបន្ថែមមកជាមួយមុខងារ និងកែប្រែថ្មីមិនខុសគ្នាច្រើនពី Note 9, S9 និង S9+ ដែលទើបទទួលបានប៉ុន្មានទេ ព្រោះអ្វីដែលធំជាងគេបំផុតនោះ គឺការផ្លាស់ប្ដូរបទពិសោធន៍ទាំងស្រុង មកប្រើប្រាស់ One UI ដែលរត់ស្រួលជាងមុន លឿនជាងមុន រលូនជាងមុន ហើយក៏មានភាពវៃឆ្លាត ជាងមុនផងដែរ។
យ៉ាងណាក៏ដោយ សម្រាប់អ្នកប្រើនៅស្រុកខ្មែរយើងអាចទទួលបានស្មើ ឬក្រោយបណ្ដារប្រទេសផ្សេងទៀតបន្តិច ខណៈប្រទេសប៊ុលការី និងស្លូវ៉ាគី នឹងទទួលបានមុនគេ ហើយអ្នកប្រើប្រាស់ Note 8 នៅស្រុកខ្មែរយើង កំណែ Update ធំមួយនេះ នឹងធ្លាក់មកដល់ពេឆាប់ៗនេះហើយ។ តែជាការល្អ លោកអ្នកគួរសាកចូលទៅកាន់ Settings ហើយស្វែងរក System Update ចាប់ពីថ្ងៃនេះតទៅបាន ព្រោះពេលខ្លះ វាអាចនឹងធ្លាក់មកដល់លឿន ជាងការរំពឹងទុកក៏ថាបានដែរ៕
