បន្ទាប់ពីក្រុមហ៊ុន Samsung និង Huawei បានដាក់ចេញស្មាតហ្វូនមានអេក្រង់បត់បានរួចមក ពេលនេះមានដំណឹងមួយបង្ហាញថា ក្រុមហ៊ុន Motorola ក៏កំពុងធ្វើការលើចង្វាក់ផលិតស្មាតហ្វូនម៉ាក Razr ឆ្នាំ 2019 ដែលប្រើអេក្រង់អាចបត់បាន ហើយពេលធម្មតាវាមើលទៅដូចទូរស័ព្ទស៊េរីចាស់មួយ។
ជាមួយគ្នានេះ ទូរស័ព្ទ Motorola Razr 2019 អាចប្រើបន្ទះឈីប Snapdragon 710 និងមាន Ram ទំហំ 4GB និងទំហំផ្ទុក 64GB ។ អ្វីដែលពិសេសសម្រាប់ទូរស័ព្ទនេះ គឺអេក្រង់ទំហំ 6.2 អ៊ីង ពេលវាពន្លាអេក្រង់ ហើយក៏មានអេក្រង់ទីពីរដែលនឹងទ្រទ្រង់កម្រិតបង្ហាញ 600x800px។ ចំពោះព័ត៌មានផ្សេងៗមិនត្រូវបានក្រុមហ៊ុនបង្ហើបនោះទេ ប៉ុន្តែសម្រាប់គម្រោងនេះ វាអាចក្លាយជាពិតក្នុងពេលឆាប់ៗ៕
