ទូរស័ព្ទ OnePlus 6 ចេញពណ៌ក្រហមថ្មី គួរឲ្យស្រឡាញ់បំផុត!

ក្រោយ OnePlus 6 បង្ហាញខ្លួនកាលពី​ថ្ងៃខែ​ឧសភា មាន​ពណ៌ ៣ គឺ Midnight Black, Mirror Black និង Silk White កាលពី​ថ្ងៃទី ០២ កក្កដា នេះដែរ ក្រុមហ៊ុន OnePlus បាន​បញ្ចេញ ពណ៌​ក្រហម​ថ្មី មួយទៀត​ហើយ ដោយមាន​ពណ៌ កាន់តែ​លេចធ្លោ ចាំង​ស្អាត ​និង​រូបរាង​កញ្ចក់​របស់​វាទាំង​ស៊ុម​ជុំវិញ ក៏មាន​ពណ៌​ក្រហម ទាំងអស់​ដែរ និង​ត្រូវបាន​ដាក់ពាក្យ ស្លោ​កថា “The Red You Need” ស្អាតខ្លាំងណាស់។

ការ​រចនា​នៅ​ផ្នែក ខាងក្រោយ​នោះ វា​ត្រូវបាន​ប្រើប្រាស់​នូវ សារធាតុ​កញ្ចក់​ថ្លា ដោយនៅ​ខាងក្រោម វា​បាន​ក្រាល​សាច់​ថ្នាំ ពណ៌​ក្រហម និង​កញ្ចក់​ថ្លា​នោះ ពីលើ ដែល​មើលទៅ​ផុស ស្អាត​តែម្ដង។

ចំណែក​ផ្នែក​កម្លាំង​ម៉ាស៊ីន​របស់​វា គឺ​ត្រូវ​ប្រើប្រាស់​ម៉ូ​ឌែ​ល​ខ្ពស់ ជាមួយនឹង​បន្ទះ​ឈី​ប Snapdragon ៨៤៥ រ៉េ​ម ៨ ជីកា​បៃ និង​អង្គ​ផ្ទុក​ទិន្នន័យ ១២៨ ជីកា​បៃ ហើយឯ​ផ្នែក​ដទៃទៀត គឺ​មិន​ត្រូវបាន​ផ្លាស់ប្ដូរ អ្វី​ឡើយ ដោយ​វា​នៅតែ​ជា OnePlus 6 ដដែល​ប៉ុណ្ណោះ ដូចជា​កាមេរ៉ា​ភ្លោះ នៅ​ខាងក្រោយ ១៦ + ២០ មេ​ហ្គា​ភិ​ច​ស៊ែ​ល កាមេរ៉ា​មុខ ១៦ មេ​ហ្គា​ភិ​ច​ស៊ែ​ល ថាមពល​ថ្ម ៣,៣០០ មី​លី​អំពែ និង​បច្ចេកវិទ្យា Dash Charge ៤ អំពែ អេក្រង់ Optic AMOLED និង​ដំណើរការ​ដោយ Android 8.0 លើ Oxygen OS ជំនា​ន់ទី៕​