បន្ទាប់ពីក្រុមហ៊ុន Samsung ប្រកាសឲ្យដឹងពីថ្ងៃប្រារព្វព្រឹត្តិការណ៍ Samsung Galaxy Unpacked នៅក្នុងទីក្រុងញ៉ូវយ៉ក សហរដ្ឋអាមេរិច នៅថ្ងៃទី ០៩ ខែសីហា ឆ្នាំ ២០១៨ យើងនៅមិនទាន់មានដំណឹងផ្សេង និងរូបរាងរបស់ទូរស័ព្ទ Galaxy Note 9 ណាមួយបែកបានធ្លាយនៅឡើយទេ ប៉ុន្តែថ្មីៗនេះ មានព័ត៌មានមួយបង្ហាញថា ក្រុមហ៊ុនកូរ៉េនេះ នឹងត្រៀមបំពាក់បច្ចេកវិទ្យាមួយ ដើម្បីបំបាក់ទូរស័ព្ទ iPhone X របស់ Apple ។
តាមការចុះផ្សាយ Galaxy Note 9 របស់ក្រុមហ៊ុន Samsung នឹងបំពាក់បច្ចេកវិទ្យា ISOCELL លើកាមេរ៉ាឲ្យខ្លាំង និងមានលក្ខណៈពិសេសជាង iPhone X។ ក្រុមហ៊ុន Samsung មានបំណងចង់អភិវឌ្ឍន៍បច្ចេកវិទ្យាកាមេរ៉ាខ្លួនឲ្យខ្លាំងជាងក្រុមហ៊ុន Apple ហើយនាពេលថ្មីៗនេះ យើងទទួលបានពត៌មានមួយចំនួនថា បច្ចេកវិទ្យា ISOCELL នឹងត្រូវបានបំពាក់លើកំពូលស្មាតហ្វូន Galaxy Note 9 ដែលត្រៀមខ្លួនរួចជាស្រេចសម្រាប់រដូវកាលថ្មីនេះ។
ទាក់ទងទៅនឹងបច្ចេកវិទ្យា ISOCELL ថ្មីនេះត្រូវបានក្រុមហ៊ុន Samsung ណែនាំរួចមកហើយក្នុងព្រឹត្តិការណ៍ Mobile World Congress ដែលធ្វើឡើងក្នុងទីក្រុង Shanghai។ មិនតែប៉ុណ្ណោះ ក្រុមហ៊ុនបានសន្យាថា sensor CMOS សម្រាប់ចាប់យករូបភាពរបស់ខ្លួន នឹងមានសមត្ថភាពអាចចាប់យកពន្លឺ និងពណ៌បានល្អជាងមុន៕
