គិតត្រឹម 3 ខែដើមឆ្នាំ 2019 នេះ ក្រុមហ៊ុន Xiaomi បានប្រកាសចេញស្មាតហ្វូនម៉ូឌែល Redmi Note 7 បានរហូតដល់ 4 លានគ្រឿង។
លោក Lei Jun នាយកប្រតិបត្តិរបស់ Xiaomi បាននិយាយថា កំណើនអ្នកកម្ម៉ង់ទិញ Note 7 ច្រើនមិននឹកស្មានដល់ ពោលគឺក្នុងមួយថ្ងៃប្រមាណជា 50,000 គ្រឿងឯណោះ។ បើធៀននឹងម៉ូឌែលមុនៗដូចជា Honor 8X ក៏លក់ដាច់ខ្លាំង ដូចគ្នាបែបនេះដែរ ។ ទាំងនេះជាជំហានជោគជ័យ មួយយ៉ាងធំធេងសម្រាប់ Xiaomi។
ស្មាតហ្វូន Redmi Note 7 នេះមានទំហំអេក្រង់ 6.3 អ៊ីញ ប្រភេទ 19.5:9 Full-HD ហើយក៏បានបំពាក់ដោយបន្ទះឈីប Snapdragon 660, មានថ្មទំហំធំដល់ទៅ 4,000mAh, ប្រើប្រាស់ USB Type-C និងមានរន្ធកាសថែមទៀត។ ចំណែកផ្នែកកាមេរ៉ាវិញ ខាងមុខមានសេនស័រកាមេរ៉ា ទំហំ 13 មេហ្គាភិចសែលសម្រាប់ថត Selfie ហើយផ្នែកខាងក្រោយ មានកាមេរ៉ាភ្លោះ ដោយកាមេរ៉ាមួយមានសេនស័រទំហំធំ ដល់ទៅ 48 មេហ្គាភិចសែលឯណោះ និងមួយទៀតទំហំ 5 មេហ្គាភិចសែលផងដែរ៕
