រាជធានីភ្នំពេញ៖ បន្ទាប់ពីទទួលបានការគាំទ្រខ្លាំងលើស៊េរីស្មាតហ្វូន Nokia 6.1 Plus, Nokia 5.1 Plus, Nokia 3.1 Plus និងម៉ូឌែលមួយចំនួនទៀតក្នុងទីផ្សារកម្ពុជា ពេលនេះក្រុមហ៊ុន Nokia បានប្រកាសជាផ្លូវការនូវស៊េរីទូរស័ព្ទប្រើប៊ូតុងចុច ឬអ្នកប្រើប្រាស់ខ្មែរនិយមហៅថា Nokia N ចុចពិលចំនួន 2 ម៉ូឌែលគឺទូរស័ព្ទ Nokia 106 និង Nokia 210។
Nokia 210 អាចប្រើបានស៊ឹម 2 លើមានអេក្រង់ 2.4 អ៊ីញប្រភេទ QVGA ប្រើកាមេរ៉ា VGA នៅផ្នែកខាងក្រោយ និងភ្លើង LED Flash ជំនួយពេលយប់ផងដែរ។ ទូរស័ព្ទនេះ ដំណើរការនូវប្រព័ន្ធ S30 ដែលអាចដំឡើង និងប្រើកម្មវិធី Opera Mini Browser, Facebook និងហ្គេម Classic Snake បានជាធម្មតា។ អ្វីដែលកាន់តែពិសេស ទូរស័ព្ទនេះកន្លែងសម្រាប់ទាយយកកម្មវិធី និងហ្គេមផ្សេងទៀត Mobile Store ផងដែរ។ Nokia 210 ក៏មានកម្មវិធីវិទ្យុ សមត្ថភាពផ្ទុកលេខទំនាក់ទំនងបានរហូតច្រើន ចាក់តន្ដ្រី MP3 និងថាមពលថ្មអាចប្រើបានរហូត 20 ថ្ងៃ ជាមួយនឹងតម្លៃត្រឹមតែ 34 ដុល្លារតែប៉ុណ្ណោះ។
ដោយឡែកសម្រាប់ទូរស័ព្ទ Nokia 106 វិញ ក៏អាចប្រើបានស៊ឹម 2 ដូចគ្នា ជាមួយនឹងសមត្ថភាពរក្សាទុកលេខទូរស័ព្ទបាន 2 ម៉ឺនលេខ និង SMS បានចំនួន 5០០ ហើយមានថាមពលថ្ម 800mAh កាន់បានយូររហូត 21 ថ្ងៃ និងអាចប្រើសម្រាប់ការសន្ទាបានរហូត 15 ម៉ោងទើបអស់ថ្ម។
ទូរស័ព្ទ Nokia 106 ថ្មីនេះ មាន RAM មានទំហំ 4MB និងមានអេក្រង់ទំហំ 1.8 អ៊ីញ 120×160 ភិចសែល អាចលេងហ្គេម Snake Xenzia បាន។ ចំពោះរូបរាង ទូរស័ព្ទ Nokia 106 ត្រូវបានផលិតពីសារធាតុ Polycarbonate ផ្សំឡើងជាមួយនឹងការលាយបញ្ចូលគ្នានូវថ្នាំលាបដែលបង្កើតជាពណ៌ដូចគ្នានៅជុំវិញ បានធ្វើឲ្យទូរស័ព្ទថ្មីនេះ មានព័ណកាន់តែស្អាត និងការពារការឆ្កូត និងសឹករិចរឹលផ្សេងៗ ហើយចំពោះតម្លៃទូរស័ព្ទចុចពិលស៊េរីថ្មីនេះ មានតម្លៃត្រឹមតែ 18 ដុល្លារប៉ុណ្ណោះ។ ប្រិយមិត្តទាំងអស់អាចរកជាវបាននៅតាមហាងលក់ទូរស័ព្ទទូទាំងប្រទេស សាកសួរព័ត៌មានបន្ថែមតាមរយៈលេខ 012879 707៕
