រាជធានីភ្នំពេញ៖ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ក្រុមហ៊ុន HMD Global ដែលជាក្រុមហ៊ុនផលិត និងចែកចាយទូរស័ព្ទដៃ Nokia និងក្រុមហ៊ុន KTH បានចូលរួមអបអរ ជាមួយនឹងពលរដ្ឋខ្មែរទាំងក្នុង និងក្រៅប្រទេស រីករាយជាមួយនឹងកាសរទទួលទេវតាឆ្នាំថ្មី សេរីសួស្តី និងធ្វើដំណើរប្រកបដោយសុខសុវត្ថិភាពគ្រប់ទីកន្លែង ជាពិសេសគឺការជួបជុំគ្រួសាររីករាយជាមួយនឹងការញាំអាហារ និងកម្សាន្តរួមគ្នាជាមួយនឹងអារម្មណ៍ស្រស់ស្រាយ ក្រោយពេលដែលសម្រាកពីការងារនៅកំឡុងពេលនេះ។
ក្រុមហ៊ុន Nokia និង KTH សូមជូនពរចំពោះអតិថិជនទាំងអស់នាឱកាសបុណ្យចូលឆ្នាំថ្មីប្រពៃណីជាតិខ្មែរជួបតែសេចក្ដីសុខ ចម្រើន និងសូមសូមបួងសួងដល់ទេវតាឆ្នាំថ្មីប្រោសប្រទានពរជ័យចំពោះអតិថិជន ព្រមទាំងក្រុមគ្រួសារ នូវសិរីសួស្តី ជ័យមង្គល វិបុលសុខ មហាប្រសើរ និងរីកចម្រើនជាមួយគ្នាជានិច្ចនិរន្តរ៍។
បន្ថែមពីនេះទៀតថា សូមជូនពរឲ្យការឈប់សម្រាកជួបជុំរបស់អតិថិជនប្រកបដោយភាពសប្បាយរីករាយ និងដំណើរកម្សាន្តទៅកាន់ស្រុកកំណើតនិងទីរមណីយដ្ឋាននានាជួបប្រទះតែសេចក្ដីសុខ សុវត្ថិភាព។
]
គួរឲ្យកត់សម្គាល់ថា៖ ក្រុមហ៊ុន HMD Global ដែលជាក្រុមហ៊ុនផលិត និងចែកចាយទូរស័ព្ទដៃ Nokia បានបង្ហាញនូវមោទនៈភាពខ្លាំងមែនទែនសម្រាប់អ្នកប្រើប្រាស់នៅជុំវិញពិភពលោក ក៏ដូចជានៅកម្ពុជាផងដែរ តាមរយៈនៃការបន្តផ្តល់ជូននូវផលិតផលទូរស័ព្ទ និងស្មាតហ្វូន ដែលមានការជឿជាក់ខ្ពស់ និងធន់ធានាទៅលើការប្រើប្រាស់បានយូរ ព្រមទាំងមានការរចនារូបរាងសម្រិតសម្រាំងយ៉ាងល្អឥតខ្ចោះ ក្រោមកិច្ចសហការជាដៃគូជាមួយនឹងក្រុមហ៊ុន Google ដោយបាននាំយកនូវប្រព័ន្ធប្រតិបត្តិការ Android រួមជាមួយនឹងការធ្វើបច្ចុប្បន្នភាពនៃប្រព័ន្ធសុវត្ថិភាពចុងក្រោយបំផុតសម្រាប់អ្នកប្រើប្រាស់។
ជាមួយគ្នានេះដែរ ក្រុមហ៊ុននឹងសន្យានឹងនាំយកស្មាតហ្វូនដែលមានសមត្ថភាពខ្លាំង តម្លៃសមរម្យសម្រាប់បម្រើជូនសេចក្ដីត្រូវការរបស់អ្នកគាំទ្រកម្ពុជាបន្ថែមទៀត ខណៈបច្ចុប្បន្នក្រុមហ៊ុនកំពុងចរាចរណ៍ទូរស័ព្ទជាច្រើនម៉ូឌែលដូចជា Nokia 106 មានតម្លៃ ១៨ ដុល្លារ Nokia 210 មានតម្លៃ ៣៤ ដុល្លារ Nokia 230 មានតម្លៃ ៥៨ ដុល្លារ Nokia 2.1 មានតម្លៃ ១១៥ ដុល្លារNokia 5.1 Plus មានតម្លៃ ២១៥ ដុល្លារ Nokia 6.1 Plus មានតម្លៃ ២៦៩ ដុល្លារ Nokia 7 មានតម្លៃ ៣៩៩ ដុល្លារ Nokia 7 Plus មានតម្លៃ ៣៩៩ ដុល្លារ និងទូរស័ព្ទ Nokia 3.1 Plus មានតម្លៃ ១៤៩ ដុល្លារ៕
