អ្នកទាំងអស់គ្នាប្រាកដជាធ្លាប់បានដឹងរួចមកហើយថា រាល់ម៉ូដែលរបស់ OPPO ដែលបានចេញលក់លើទីផ្សារ តែងតែមានភាពលេចធ្លោ និងភាពទាក់ទាញផ្សេងៗគ្នា។ សម្រាប់ម៉ូដែល OPPO R15 នេះវិញ ក៏មានលក្ខណៈពិសេស និងរូបរាង មិនចាញ់ម៉ូដែលចុងក្រោយរបស់ក្រុមហ៊ុនដទៃទៀតដែរ ទំនើបទាំងបច្ចេកវិទ្យា និងការរចនារូបរាងបែបសាមញ្ញ តែបង្កប់ភាពឥតខ្ចោះ អាចនិយាយបានថានេះជាម៉ូដែលទីមួយដែល OPPO ផ្ដោតទៅលើចំណុច Clean Design។
ជាដំណឹងល្អមួយសម្រាប់អ្នកប្រើប្រាស់ទូរស័ព្ទដែលចូលចិត្តមើលវីដេអូ និងលេងហ្គេមច្រើន គឺត្រូវម៉ាច់តែម្ដង ព្រោះ OPPO R15 Pro នេះមានអេក្រង់: Super-V Display ទំហំ ៦,២៨ អ៊ីញ កម្រិត ២ ២៨០ x ១ ០៨០ ភីកសែល (មាត្រដ្ឋាន ១៩:៩)។ បន្ថែមពីនេះមួយកម្រិតថែមទៀត ការលេងហ្គេម និងដំណើរការកម្មវិធីផ្សេងៗក្នុងទូរស័ព្ទរបស់អ្នកនឹងកាន់តែមានភាពងាយស្រួលជាងមុន ដោយសារ OPPO R15 Pro ភ្ជាប់ជាមួយបន្ទះឈីប: Qualcomm Snapdragon 660 ជាមួយនឹង RAM: 6GB។
ការរក្សារទិន្នន័យក៏មិនបាច់មានការព្រួយបារម្ភច្រើនពីទំហំ Space ទៀតដែរ ដោយសារតែទូរស័ព្ទត្រកូល R ដ៏ពិសេសមួយនេះមានទំហំផ្ទុកទិន្នន័យដល់ទៅ 128GB ហើយអាចបន្ថែមបានដល់ទៅ 256 GB ឯណោះ។អ្នកណាៗក៏ដឹងដែរថា OPPO ជាក្រុមហ៊ុនដែលផលិតទូរស័ព្ទមានកាមេរ៉ាមុខធំៗ។ OPPO R15 Pro មានកាមេរ៉ាមុខទំហំដល់ទៅ 20MP គាំទ្រមុខងារ Facial Unlock និងបច្ចេកវិទ្យា AI ផ្ដល់ភាពងាយស្រួលក្នុងការគ្រប់គ្រងទូរសព្ទអ្នកក្នុងការ Unlock ទូរស័ព្ទ។
ចំណែកឯកាមេរ៉ាក្រោយវិញមានទំហំដល់ទៅ 20MP ឯណោះ ដោយលើកនេះ OPPO R15 Pro ដាក់កាមេរ៉ាក្រោយភ្លោះពីរគ្រាប់ 20+16MP ផ្ដល់សមត្ថភាពថតរូប ដែលអាចនិយាយបានថាស្ទើរតែមិនចាំបាច់យកកាមេរ៉ា Professional ដាក់តាមខ្លួនឡើយ ព្រោះកម្រិតនៃការចាប់យករូបភាពពិតជាគួរឲ្យចាប់អារម្មណ៍មែនទែន។
បញ្ហាមួយចំនួនដែលអ្នកប្រើប្រាស់ទូរសព្ទបច្ចុប្បន្ននេះមានការព្រួយបារម្ភនោះ ទូរសព្ទឆាប់អស់ថ្ម តែបញ្ហានេះនឹងលែងកើតមានទៀតហើយ ដោយសារតែ OPPO R15 Pro មានថាមពលថ្ម ៣ ៤៣០mAh អមបច្ចេកវិទ្យាសាកថ្មរហ័ស VOOC ដោយអាចសាកបាន ១០០ ភាគរយ ប្រើពេលត្រឹមតែ ៦០ នាទីតែប៉ុណ្ណោះ។ OPPO R15 Pro រូបរាងសាមញ្ញផ្ដល់ភាពឥតខ្ចោះមួយនេះ ប្រើប្រព័ន្ធប្រតិបត្តិ: Android 8.1 Oreo ស្រោបផ្ទៃកម្មវិធីដោយ ColorOS 5.0 ដែលរាល់ពេលដែលអ្នកបើកទូរសព្ទម្ដងៗ ផ្ដល់ភាពទាក់ទាញមួយនឹកស្មានមិនដល់។ សម្រាប់ស្មាតហ្វូននេះ ក៏មានលក់ហើយដែលក្នុងទីផ្សារកម្ពុជា ក្នុងតម្លៃ ៦២៩ ដុល្លារ៕
