រាជធានីភ្នំពេញ៖ ខណៈទូរស័ព្ទ Nokia ស៊េរីមានប៊ូតុងចុងនៅតែជាទីពេញនិយមសម្រាប់អ្នកប្រើប្រាស់កម្ពុជា ថ្មីៗនេះ ក្រុមហ៊ុន Nokia បានដាក់ចេញនូវទូរស័ព្ទ Nokia 106 ថ្មីប្រើស៊ឹម 2 ដែល ជាទូរស័ព្ទមកជំនួសតំណែងទូរស័ព្ទ Nokia 105 ក្នុងទីផ្សារកម្ពុជា។
ទូរស័ព្ទ Nokia 106 ប្រើបានស៊ឹម 2 ជាមួយនឹងសមត្ថភាពរក្សាទុកលេខទូរស័ព្ទបាន 2 ម៉ឺនលេខ និង SMS បានចំនួន 5០០ ហើយមានថាមពលថ្ម 800mAh កាន់បានយូររហូត 21 ថ្ងៃ និងអាចប្រើសម្រាប់ការសន្ទាបានរហូត 15 ម៉ោងទើបអស់ថ្ម មានប៊ូតុងបិទបើកសំលេង Loudspeaker ដោយស្វ័យប្រវត្តិ។
ទូរស័ព្ទ Nokia 106 ថ្មីនេះ មានអេក្រង់ទំហំ 1.8 អ៊ីញ 120×160 ភិចសែល ត្រូវបានផលិតពីសារធាតុ Polycarbonate ផ្សំឡើងជាមួយនឹងការលាយបញ្ចូលគ្នានូវថ្នាំលាបដែលបង្កើតជាពណ៌ដូចគ្នានៅជុំវិញ បានធ្វើឲ្យទូរស័ព្ទថ្មីនេះ មានព័ណកាន់តែស្អាត និងការពារការឆ្កូត និងសឹករិចរឹលផ្សេងៗ ហើយចំពោះតម្លៃទូរស័ព្ទចុចពិលស៊េរីថ្មីនេះ មានតម្លៃប្រហែល $20ដុល្លារប៉ុណ្ណោះ ជាមួយនឹងការធានារយៈមួយឆ្នាំ បើខូចធានាដូរថ្មីជូន ដោយមិនចាំបាច់ជួសជុលនោះទេ។ ប្រិយមិត្តទាំងអស់អាចរកជាវបាននៅតាមហាងលក់ទូរស័ព្ទទូទាំងប្រទេស ដោយទូរស័ព្ទ Nokia ពិតប្រាកដត្រូវតែមានបិទតែម KTH ពណ៌ទឹកប្រាក់ភ្លឺ។ សម្រាប់ព័ត៌មានបន្ថែមតាមរយៈលេខ 012879 707៕
