បន្ទាប់ពីបែកធ្លាយព័ត៌មានជាច្រើន ពេលដំណឹងផ្លូវការបានបង្ហាញហើយ សម្រាប់អ្នកគាំទ្រស្មាតហ្វូនរបស់ក្រុមហ៊ុន OnePlus ទាំងអស់ជាមួយនឹងទូរស័ព្ទ OnePlus 7 និង 7 Pro គ្មានថ្ងាស់ឆក ហើយបង្ហាញខ្លួននៅថ្ងៃទី 14 ខែឧសភា ឆ្នាំ 2019 ខាងមុខនេះ។
ក្រុមហ៊ុន OnePlus បានធ្វើការផ្សាយពាណិជ្ជកម្ម នៅក្នុងកាសែត New York Times ជាមួយនឹងរូបគ្មានគែមអេក្រង់, គ្មានថ្ងាសឆក។ លើកាសែត ក៏បានបង្ហាញអំពី ការឌីហ្សាញរបស់ OnePlus 7 Pro បន្ដិចបន្ដួចដែរ ហើយចំនុចទាំងអស់នោះ គឺសុទ្ធតែជាលក្ខណៈពិសេសៗ ដោយរួមមានដូចជា សេនស័រកាម៉េរាចំនួន 3 គ្រាប់, កាម៉េរាសម្រាប់ Selfie ដែលអាចលាក់ក្នុងតួខ្លួនបាន, បច្ចេកវិទ្យាស្កេនម្រាមដៃ នៅលើផ្ទៃអេក្រង់ និងបំពង់ស្រូបយកកំដៅ សម្រាប់ធ្វើឲ្យស្មាតហ្វូន រក្សាសីតុណ្ហភាពថេរ ថែមទៀតផង។ ចំពោះផ្នែកសំខាន់បំផុត សម្រាប់ការចុះផ្សាយ នៅលើកាសែត New York Times នាពេលថ្មីៗនេះ គឺក្រុមហ៊ុន OnePlus បានអះអាងឲ្យស្មាតហ្វូន ម៉ូឌែល OnePlus 7 Pro ថា “គ្រាន់តែជាស្មាតហ្វូនល្អ ជាងមុន” តែម្ដង។
យ៉ាងណា ក្រុមហ៊ុនមិនបង្ហើបតម្លៃរបស់វាទេ ប៉ុន្តែបាននិយាយថា វានឹងគ្មានតម្លៃដល់ 2,000 ដុល្លារ ព្រមនឹងគ្មានកម្មវិធី ដែលដើរយឺត, គ្មានកម្មវិធី អត់ប្រយោជន៍ ដំឡើងមកស្រាប់, និងគ្មានបញ្ចូលចម្រៀង ដែលអ្នកប្រើប្រាស់ មិនចង់បាននោះទេ៕
