រាជធានីភ្នំពេញ៖ ពិតជាពិសេសទៀតហើយ សម្រាប់ប្រិយមិត្តទាំងអស់ដែលជាអ្នកគាំទ្រផលិតផលទូរស័ព្ទរបស់ ក្រុមហ៊ុន Nokia ដោយដើមខែថ្មី ខែឧសភា ឆ្នាំ ២០១៩ នេះ ក្រុមហ៊ុនបានប្រកាសដាក់ចេញនូវកម្មវិធីលក់បញ្ចុះតម្លៃមិនធ្លាប់មានចំពោះទូរស័ព្ទ Nokia 2.1 លក់ជូនត្រឹមតែ ៧៩ ដុល្លារប៉ុណ្ណោះ ខណៈតម្លៃដើម ១១៥ ដុល្លារ។
សម្រាប់ការលក់បញ្ចុះតម្លៃនេះ លោកអ្នកអាចរកបាននៅហាង លក់ទូរស័ព្ទទូទាំងប្រទេស ចាប់ពីថ្ងៃផ្សាយដំណឹងនេះតទៅ ជាមួយនឹងសមត្ថភាពចំរុះ ត្រូវចិត្តបំផុតសម្រាប់ប្រិយមិត្តដែលចង់បានស្មាតហ្វូនតម្លៃទាប អេក្រង់ធំ ហើយកាន់ថ្មបានយូរ។
សម្រាប់ទូរស័ព្ទ Nokia 2.1 ក្រុមហ៊ុនបានពង្រីកបន្ថែមនូវសមត្ថភាពបង្ហាញរូបភាព ថាមពលថ្ម និងការបញ្ចេញសំឡេង។ ទូរស័ព្ទនេះមានអេក្រង់ទំហំ ៥.៥ អ៊ីញប្រភេទ LCD ត្រូវបានការពារដោយកញ្ចក់ ២.៥D នៅពីលើ ជាមួយកម្រិតបង្ហាញរូបភាព HD (៧២០ x ១០៨០ ភិចស៊ែល)។ រន្ធស្ដាប់សំឡេងចេញចូល និងរន្ធបំពងសំឡេង មានសភាពទ្រវែងប៉ុនគ្នានៅផ្នែកខាងមុខទាំង ២ ដែលផ្ដល់ឲ្យការស្ដាប់ចម្រៀងបានឭច្បាស់ និងខ្លាំងល្អ។
ចំពោះសមត្ថភាពដំណើរ Nokia 2.1 ប្រើនូវឈីប Snapdragon 425 មាន CPU Cortex-A53 ប្រសើរជាងមុន មានចំនួន ៨ គ្រាប់ រត់នៅក្នុងល្បឿន ១.៤ GHz និងជីភីយូ Adreno 308 អមជាមួយ RAMទំហំ ១ GB និងអង្គផ្ទុកទិន្នន័យ ៨ GB ក្នុងម៉ាស៊ីន ហើយក៏អាចបន្ថែមមេម៉ូរី ក្រៅបានដល់ ១២៨ GB ផងដែរ។ កាមេរ៉ាក្រោយ ៨ មេហ្គាភិចស៊ែល អាចថតវីដេអូក្នុងកម្រិត ៧២០p និងកាមេរ៉ាមុខ ៥ មេហ្គាភិចស៊ែលផងដែរ។ ចំណុចពិសេសសម្រាប់ Nokia 2.1 គឺថាមពលថ្មតែម្ដង វាថាមពលថ្មរហូតដល់ ៤,០០០ mAh អាចប្រើប្រាស់វាបាន ២ ថ្ងៃយ៉ាងងាយតែម្ដងសម្រាប់ការប្រើទូទៅ។
សម្រាប់ការទិញទូរស័ព្ទ Nokia 2.1 នឹងទទួលបានការថែមជូនស្គ្រីនការពារអេក្រង់, កាបូបក្រវ៉ាត់ចង្កេះ ដ៏ស្រស់ស្អាតមួយ រួមនឹងស៊ីមកាត Cellcard ដែលមាន Free អ៊ីនធើណែតទំហំ ១០ GB រៀងរាល់ខែ សម្រាប់រយៈពេល ពេញមួយឆ្នាំ ថែមទៀតផង។ ប្រិយមិត្តទាំងអស់អាចរកជាវបាននៅតាមហាងលក់ទូរស័ព្ទទូទាំងប្រទេស ដោយទូរស័ព្ទ Nokia ពិតប្រាកដត្រូវតែមានបិទតែម KTH ពណ៌ទឹកប្រាក់ភ្លឺ។ សម្រាប់ព័ត៌មានបន្ថែមតាមរយៈលេខ ០១២ ៨៧៩៧០៧៕
