កាលពីថ្ងៃចន្ទ ម្សិលមិញនេះ ក្រុមហ៊ុន ZTE បានប្រកាសជាផ្លូវការនូវស្មាតហ្វូន ថ្មីបំផុតរបស់ខ្លួនសម្រាប់ទីផ្សារប្រទេសចិន ដែលមានរាងស្អាត និងសមត្ថភាពកប់ៗតែម្ដង បន្ទាប់ពីស្មាតហ្វូន ZTE Axon 10 Pro និង Axon 10 Pro 5G នេះ ត្រូវបានក្រុមហ៊ុនបង្ហើបម្ដងក្នុងសន្និសិទសារព័ត៌កាលពីព្រឹត្តិការណ៍ MWC កន្លងទៅ។
ទូរស័ព្ទ Axon 10 Pro ដំណើរការដោយបន្ទះឈីប Snapdragon 855 ជាមួយនឹងជម្រើស Ram 6GB, 8GB លើទំហំផ្ទុក 12GB ។ វាក៏បានបំពាក់ជាមួយនឹងអេក្រង់ទំហំ 6.47 អ៊ីញប្រភេទ AMOLED បែបតំណក់ទឹក និងមានប្រព័ន្ធដោះសោក្រោមអេក្រង់ Fingerprint sensor។
នៅផ្នែកខាងក្រោយទូរស័ព្ទនេះ ត្រូវបានបំពាក់ជាមួយនឹងកាមេរ៉ា 3 គ្រាប់ ដោយកាមេរ៉ាធំមានទំហំ 48 មេហ្គាភិចសែល ជាមួយនឹង f / 1.7 aperture កាមេរ៉ាទី 2 មានទំហំ 20 មេហ្គាភិចសែល អាចថតកម្រិត 125 ដឺក្រេ និងចុងក្រោយទំហំ 8 មេហ្គាភិចសែលប្រភេទ Zoom ឡែន។
លក្ខណៈសម្បត្តិផ្សេងទៀត វាក៏មានប្រើមុខងារ NFC, រន្ធកាសប្រើរួមជាមួយនឹងរន្ធ USB-C (មិនមានកាសកាស) និងមានថាមពលថ្ម 4000 mAh អាចសាកឥតខ្សែបាន។
Axon 10 Pro មានតម្លៃចាប់ពី 3,199 CNY (473 ដុល្លារអាមេរិក) សម្រាប់ម៉ូដែល 6GB/128GB និងមាន RAM 12GB/256GB សម្រាប់តម្លៃ 4,199 CNY (621ដុល្លារ) ដោយអ្នកនៅចិនអាចបញ្ជាទិញបានសម្រាប់ម៉ូឌែល LTE 4G ពីវេបសាយ MYZTE.com, Tmall.com និង DJ.com ចាប់ពីថ្ងៃអង្គារ៍នេះទៅ៕
