រាជធានីភ្នំពេញ៖ ពេលនិយាយពីមុខងារ Google Assistant ប្រិយមិត្តមួយចំនួនធំប្រហែលជាធ្លាប់បានស្គាល់ និងបានប្រើរួចហើយ។ មុខងារនេះ គឺជាមុខងារជំនួយដ៏វៃឆ្លាតរបស់ Google ដែលមានចាប់ពី Android ជំនាន់ 6.0 ឡើងមក ហើយវាមានការ ប្រើប្រាស់ស្រដៀង Siri ដែរ ប៉ុន្តែវាឆ្លាតជាង វាអាចប្រើប្រាស់ មុខងារបានច្រើនជាង ហើយក៏ស្គាល់ការ បញ្ចេញសំឡេងរបស់យើង បានល្អជាងផងដែរ។
សម្រាប់ថ្ងៃនេះ គេហទំព័រ The Plus News ផ្នែកព័ត៌មានបច្ចេកវិទ្យាសូមលើកយកនូវលក្ខណៈពិសេសនៃមុខងារ Google Assistant ដូចគ្នានេះដែរ ប៉ុន្តែនិយាយចំពោះតែលើប៊ូតុងទូរស័ព្ទ Nokia 4.2 តែប៉ុណ្ណោះ។ ដោយចុចសង្កត់ម្តង Google Assistant ជួយអ្នកដូចជាការបង្ហាញផ្លូវ ខល ស្តាប់តន្ត្រី ឬឆ្លើយខលជាដើមដែលវាពិតជាលឿនណាស់។
បើចុចសង្កត់នៅលើប៊ូតុងនេះពីរដង សម្រាប់ទទួលបានពត៌មានសំខាន់ និងឆ្លាតវៃដែលចាំបាច់ដូចជា ព័ត៌មាននៃការធ្វើដំណើរ បង់វិក័យបត្រ ឬការប្រជុំជាច្រើនដែលមាននៅក្នុងប្រតិទិនរបស់អ្នកជាដើម។ បើចុចសង្កត់នៅលើប៊ូតុងនេះឲ្យជាប់ អ្នកអាចដំណើរការនូវ Walkie-Talkie Mode ដែល Google Assistant ស្តាប់នូវសំណើររបស់អ្នករហូតទាល់តែអ្នកលែងដៃរបស់អ្នកចេញពីប៊ូតុងនេះ។
Google Assistant អាចឲ្យយើងគ្រប់គ្រងទៅលើស្មាតហ្វូន និង Smart Home របស់អ្នកដោយងាយ ហើយលើសពីនេះ អ្នកអាចធ្វើការចូលទៅស្វែងរកព័ត៌មានចេញពីប្រតិទិនរបស់អ្នក និងព័ត៌មានជាច្រើនទៀត ការស្វែងរកព័ត៌មាននៅលើអនឡាញដូចជា ការកក់ញាំអាហារ អាកាសធាតុ និងព័ត៌មានជាដើម។
Google Assistant អាចជួយលើកអ្នកលើការគ្រប់គ្រងទៅលើតន្ត្រី ការភ្ជាប់ទៅកាន់ Chromecast ឬឧបករណ៍ជាច្រើនទៀត ការដំណើរការទៅលើ Timers និង Reminders ការបង្កើតនូវការប្រជុំ និងការផ្ញើសារ ការបើកកម្មវិធី Apps នៅលើស្មាតហ្វូន ការអានសារ Notifications សម្រាប់អ្នក និងការបកប្រែភាសានិយាយភ្លាមៗ Real-Time Translations និងជាច្រើនទៀត។
Google Assistant អាចផ្តល់ព័ត៌មានជាច្រើនដែលអ្នកត្រូវការកាន់តែសម្បូរបែប និងលម្អិតគ្រប់ជ្រុងជ្រោយតែម្តង។ សម្រាប់ Nokia 4.2 អ្នកអាចធ្វើការបញ្ជាទៅលើស្មាតហ្វូននេះកាន់តែងាយស្រួល និងឆ្លាតវៃបំផុត ហើយវាពិតជាបទពិសោធន៍នៃការប្រើប្រាស់ដែលមិនធ្លាប់មានពីមុនមកនោះទេសម្រាប់លោកអ្នក។
សូមបញ្ជាក់ថា៖ Nokia 4.2 ប្រើនូវអេក្រង់ទំហំ 5.71 អ៊ីញបែបដំណក់ទឹក ប្រភេទ Waterdrop-notched TFT display អាចបង្ហាញរូបភាពលើកម្រិត 720p ហើយគាំទ្រដំណើរការដោយបន្ទះឈីប Snapdragon 439 ប្រភេទ octa-core A53 និងក្រាហ្វិកកាត Adreno 505 GPU មាន Ram ទំហំ 3GB ជាមួយនឹងម៉េមូរីទំហំ 32GB។ លក្ខណៈសម្បត្តិប៉ុណ្នេះ អាចធ្វើឲ្យអ្នកប្រើប្រាស់ទូទៅអាចត្រូវចិត្តច្រើនមួយកម្រិត។
ចូលមកផ្នែកកាមេរ៉ា Nokia 4.2 ប្រើកាមេរ៉ាភ្លោះទំហំ 13MP f/2.2 + 2MP Depth Sensor ភ្ជាប់ នឹងមុខងារ Phase-Detect Autofocus និងភ្លើង LED flash ហើយមានមុខងារ Night Mode អាចជួយឲ្យការថតរូបភាពនៅទីងងឹតកាន់តែប្រសើរ។ ចំពោះកាមេរ៉ាមុខវិញ វាមានទំហំ 8MP បច្ចេកវិទ្យា AI អាចប្រើសម្រាប់ថតរូប Selfie បានច្បាស់ល្អ និងប្រើជាមុខងារដោះសោ (Face Unlock) បន្ថែមពីលើមុខងារស្កេនក្រយ៉ៅដៃនៅផ្នែកខាងបានផងដែរ។
ទូរស័ព្ទ Nokia 4.2 ក៏មានបន្ថែមជាមួយនឹងភ្លើង Notification នៅលើ Power Key ដូចគ្នាទៅនឹងស្មាតហ្វូន Nokia ជាច្រើនទៀត។ ចំពោះ ប្រិយមិត្តទាំងអស់ដែលចង់បានទូរស័ព្ទ Nokia 4.2 អាចរកជាវបាននៅគ្រប់ហាងលក់ទូរស័ព្ទទាំងអស់ទូទាំងប្រទេសកម្ពុជា ជាមួយនឹងតម្លៃ 169 ដុល្លារ មានពីរពណ៌ គឺ ខ្មៅ និងពណ៌ផ្កាឈូក Pink ជាមួយនឹងការថែមជូនកង្ហាដ៏ស្រស់ស្អាតមួយភ្លាមតម្លៃប្រហែល 15 ដុល្លារ។ សម្រាប់ព័ត៌មានបន្ថែមសូមទាក់ទងបានតាមរយៈលេខទូរស័ព្ទ 012879 707៕
