នៅសល់ពេលតែប៉ុន្មានខែទៀតប៉ុណ្ណោះ ស្មាតហ្វូនស៊េរីថ្មីរបស់ក្រុមហ៊ុន Apple នឹងត្រូវបានបង្ហាញខ្លួនក្នុងទីផ្សារដូចរាល់ឆ្នាំៗ។ ជាមួយគ្នានេះដែរ មានព័ត៌មានបែកធ្លាយមួយបង្ហាញថា Apple អាចនឹងធ្វើឲ្យអ្នកគាំទ្រមានការភ្ញាក់ផ្អើលជាមួយនឹង iPhone ជំនាន់ថ្មីរបស់ខ្លួន តាមរយៈការដាក់ចេញនូវពណ៌ជាច្រើនប្លែកពីព្រឹត្តិការណ៍មុនៗ។
អ្នកវិភាគព្រឹត្តិការណ៍ លោក Ming-Chi Kuo ដែលបានបញ្ជាក់ថា ស្មាតហ្វូននេះ នឹងមានពណ៌កាន់តែច្រើនដែលមិនរាប់បញ្ចូលស្មាតហ្វូនដែលមានប្លាស្ទិក 5C ដែលមានពណ៌លឿង ពណ៌ទឹកក្រូច និងពណ៌ខៀវនោះទេ។ ប៉ុន្តែដល់ពេលនេះហើយ នៅមិនទាន់ច្បាស់នោះទេ ដែលម៉ូដែលមួយណាដែលនឹងប្រើប្រាស់ពណ៌ថ្មីៗនោះ ប៉ុន្តែតាមការបញ្ជាក់របស់លោក Kuo នោះ ស្មាតហ្វូនដែលមានអេក្រង់ទំហំ 6.5-inch OLED iPhone ប្រហែលជាមានពណ៌ខ្មៅ ពណ៌ស និងពណ៌មាសថ្មី ស្របពេលដែលម៉ូដែល 6.1-inch LED ប្រហែលជាមានពណ៌ប្រផេះ ពណ៌ស ពណ៌ខៀវ ពណ៌ក្រហម និងពណ៌ទឹកក្រូនោះ។
OnLeaks ក៏បានបញ្ជាក់ផងដែរថា ក្រុមវិស្វកររបស់ក្រុមហ៊ុន Apple នឹងបញ្ចេញនូវពណ៌ស ពណ៌ខ្មៅ ពណ៌ប្រផេះ ពណ៌ក្រហម ពណ៌ខៀវ ពណ៌លឿង ពណ៌ទឹកក្រូច និងពណ៌ផ្កាឈូកនោះ។ សម្រាប់ស្មាតហ្វូននាពេលខាងមុខរួមមាន ស្មាតហ្វូន iPhone 5c នឹងមាន 5 ពណ៌សម្រាប់ជ្រើសរើស គឺពណ៌បៃតង ពណ៌ខៀវ ពណ៌លឿង ពណ៌ផ្កាឈូក និងពណ៌ស។ ស្មាតហ្វូននៅក្នុងឆ្នាំ 2018 នេះ នឹងមានការប្រើប្រាស់នូវ Notch ដូចគ្នាទៅនឹងស្មាតហ្វូន iPhone X ហើយក៏នឹងមានការប្រើប្រាស់នូវកញ្ចក់នៅផ្នែកខាងក្រោយរបស់វាសម្រាប់បច្ចេកវិទ្យា wireless charging ទៀតផង។ ស្មាតហ្វូននេះ មានការផលិតពីលោហធាតុ និងកញ្ចក់នោះ។ ស្មាតហ្វូននេះ នឹងមានរូបរាងថ្មី យ៉ាងស្រស់ស្អាត៕
