រាជធានីភ្នំពេញ៖ បន្ទាប់ពីមានវត្ដមានក្នុងទីផ្សារមួយរយៈ ទូរស័ព្ទ Nokia 4.2 បានកំពុងទទួលបានការចាប់អារម្មណ៍ខ្លាំងពីសំណាក់អ្នកប្រើប្រាស់ ជាមួយនឹងរូបរាងតូចច្រឡឹក និងមានបំពាក់មុខងារសំខាន់ៗជាច្រើន ជាពិសេសមុខងារដោះសោ Face Unlock និងមានប៊ូតុង Google Assistant ទោះបីជាទូរស័ព្ទនេះមានតម្លៃត្រឹម 169 ដុល្លារ។
មុខងារ Face Unlock ជាមុខងារមួយត្រូវបានក្រុមហ៊ុន Nokia បំពាក់ថ្មីសម្រាប់ស្មាតហ្វូនតម្លៃទាប់របស់ខ្លួន ខណៈមុខងារនេះធ្លាប់មានតែលើទូរស័ព្ទតម្លៃថ្លៃៗប៉ុណ្ណោះកាលពីពេលកន្លងមក។ Face Unlock គឺជាបច្ចេកវិទ្យាមួយដែលជួយសម្រួលក្នុងការដោះសោស្មាតហ្វូនបានលឿនដោយមិនចាំបាច់បញ្ចូលលេខសម្ងាត់ និងមានសុវត្ថិភាពបំផុតតាមរយៈកាមេរ៉ាមុខទំហំ 8 MP ដែលមានលើទូរស័ព្ទ Nokia 4.2 វាអាចដំណើរបានរហ័ស ទោះបីជាកន្លែងស្ទើរពន្លឺ ឬអ្នកប្រើប្រាស់ប្ដូរទម្រង់សក់ក្ដី។ ក្នុងទូរស័ព្ទនេះ ក៏មានភ្ជាប់ជាមួយនឹងប្រព័ន្ទដោះសោតាមរយៈក្រយៅដៃផងនៅផ្នែកខាងក្រោយ ដែលអ្នកប្រើប្រាស់អាចប្រើមុខងារមួយណាក៏បាន។
ដោយឡែកចំពោះប៊ូតុង Google Assistant នៅលើស្មាតហ្វូន Nokia 4.2 នេះវិញ វាក៏មានសមត្ថភាពដំណើរការទៅលើមុខងារសំខាន់ជាច្រើនផងដែរ អាស្រ័យទៅលើអ្វីដែលអ្នកប្រើប្រាស់ចង់បាន។ ដោយយើងអាច៖
- ចុចសង្កត់នៅលើប៊ូតុងនេះម្តង សម្រាប់ឲ្យ Google Assistant ជួយអ្នកដូចជាការបង្ហាញផ្លូវ ហៅទូរសព្ទចេញ ស្តាប់តន្ត្រី ឬទទួលការហៅចូលជាដើម។
- ចុចសង្កត់នៅលើប៊ូតុងនេះពីរដង សម្រាប់ទទួលបាននូវព័ត៌មានសំខាន់ និងឆ្លាតវៃដែលចាំបាច់សម្រាប់ថ្ងៃនេះ ដូចជាព័ត៌មាននៃការធ្វើដំណើរ វិក័យបត្រដែលត្រូវបង់ ឬការប្រជុំជាច្រើនទៀត ដែលមាននៅក្នុងប្រតិទិនរបស់អ្នកជាដើម។
- ការចុចសង្កត់នៅលើប៊ូតុងនេះឲ្យជាប់ អ្នកអាចដំណើរការនូវ Walkie-Talkie Mode ដែល Google Assistant ស្តាប់នូវសំណើរបស់អ្នក រហូតទាល់តែអ្នកដកដៃចេញពីប៊ូតុងនេះ។
- ការគ្រប់គ្រងទៅលើស្មាតហ្វូន និង Smart Home របស់អ្នក។
- ការចូលទៅស្វែងរកព័ត៌មាន ចេញពីប្រតិទិនរបស់អ្នក និងព័ត៌មានជាច្រើនទៀត។
- ការស្វែងរកព័ត៌មាននៅលើអនឡាញ ដូចជាការកក់ញាំអាហារ អាកាសធាតុ និងព័ត៌មានជាដើម។
- ការគ្រប់គ្រងទៅលើតន្ត្រី។
- ការភ្ជាប់ទៅកាន់ Chromecast ឬឧបករណ៍ជាច្រើនទៀត។
- ការដំណើរការទៅលើ Timers និង Reminders។
- ការបង្កើតនូវការប្រជុំ និងការផ្ញើសារ។
- ការបើកកម្មវិធី Apps នៅលើស្មាតហ្វូន។
- ការអានសារ Notifications សម្រាប់អ្នក។
- ការបកប្រែភាសានិយាយភ្លាមៗ Real-Time Translations និងជាច្រើនទៀត។
សូមបញ្ជាក់ដែលថា៖ Nokia 4.2 ប្រើនូវអេក្រង់ទំហំ 5.71 អ៊ីញបែបដំណក់ទឹក ប្រភេទ Waterdrop-notched TFT display អាចបង្ហាញរូបភាពលើកម្រិត 720p ហើយគាំទ្រដំណើរការដោយបន្ទះឈីប Snapdragon 439 ប្រភេទ octa-core A53 និងក្រាហ្វិកកាត Adreno 505 GPU មាន Ram ទំហំ 3GB ជាមួយនឹងម៉េមូរីទំហំ 32GB។ លក្ខណៈសម្បត្តិប៉ុណ្នេះ អាចធ្វើឲ្យអ្នកប្រើប្រាស់ទូទៅអាចត្រូវចិត្តច្រើនមួយកម្រិត។
ចូលមកផ្នែកកាមេរ៉ា Nokia 4.2 ប្រើកាមេរ៉ាភ្លោះទំហំ 13MP f/2.2 + 2MP Depth Sensor ភ្ជាប់ នឹងមុខងារ Phase-Detect Autofocus និងភ្លើង LED flash ហើយមានមុខងារ Night Mode អាចជួយឲ្យការថតរូបភាពនៅទីងងឹតកាន់តែប្រសើរ។ ចំពោះកាមេរ៉ាមុខវិញ វាមានទំហំ 8MP បច្ចេកវិទ្យា AI អាចប្រើសម្រាប់ថតរូប Selfie បានច្បាស់ល្អ។
ទូរស័ព្ទ Nokia 4.2 ក៏មានបន្ថែមជាមួយនឹងភ្លើង Notification នៅលើ Power Key ដូចគ្នាទៅនឹងស្មាតហ្វូន Nokia ជាច្រើនទៀត។ ចំពោះ ប្រិយមិត្តទាំងអស់ដែលចង់បានទូរស័ព្ទ Nokia 4.2 អាចរកជាវបាននៅគ្រប់ហាងលក់ទូរស័ព្ទទាំងអស់ទូទាំងប្រទេសកម្ពុជា ជាមួយនឹងតម្លៃ 169 ដុល្លារ មានពីរពណ៌ គឺ ខ្មៅ និងពណ៌ផ្កាឈូក Pink ជាមួយនឹងការថែមជូនកង្ហាដ៏ស្រស់ស្អាតមួយភ្លាមតម្លៃប្រហែល 15 ដុល្លារ។ សម្រាប់ព័ត៌មានបន្ថែមសូមទាក់ទងបានតាមរយៈលេខទូរស័ព្ទ 012879 707៕
