កាលពីព្រឹត្តិការណ៍ WWDC 2019 ក្រមហ៊ុន Apple បានប្រកាសបង្ហាញមុខងារថ្មីៗនៃ iOS 13 ហើយក្នុងនោះក្រុមហ៊ុនដាក់ចេញនូវមុខងារមួយដែលអាចជួយឲ្យថ្មទូរស័ព្ទ iPhone មានអាយុកាលបានយូរឆ្នាំជាងមុន។
មុខងារថ្មីមានឈ្មោះថា “Optimized battery charging” មានតួនាទីជួយឲ្យថ្ម iPhone មានអាយុកាលវែង ដោយពេលដំណើរការមុខងារនេះ ធ្វើឲ្យ iPhone នឹងមិនសាកថ្មឲ្យលើសពី ៨០% នោះឡើយ។ ពេលថ្មទូរសព្ទសាកត្រឹម ៨០% និងប្រើដោយសល់ថ្ម ២០% គឺល្អសម្រាប់សុខភាពថ្ម ជាជាងការសាកថ្មពេញដល់ ១០០% និងប្រើឲ្យអស់ដល់ ០% តែម្ដង៕
