Huawei ទើបតែបានបង្ហាញ Poster ថ្មីមួយ អំពីព្រឹត្តិការណ៍ប្រកាសចេញ ផលិតផលថ្មីនៅប៉ុន្មានថ្ងៃខាងមុខនេះ ត្រកូល Nova បំពាក់កាមេរ៉ា ៤ គ្រាប់ថ្មីមួយទៀត។
តាមការបញ្ជាក់នៅលើ Weibo ឲ្យដឹងថាស្មាតហ្វូននេះនឹងប្រកាសបង្ហាញខ្លួននៅថ្ងៃទី ១៨ ខែកក្កដានៅក្នុងទីក្រុង Shenzhen ជាមួយនឹងការប្រើប្រាស់ប្រព័ន្ធកាមេរ៉ា Dual AI Cameras និងអេក្រង់ Notch Display ហើយវាក៏គ្រោងបង្ហាញខ្លួននៅប្រទេសហ្វីលីពីននៅ 10 ថ្ងៃក្រោយផងដែរ។ ស្មាតហ្វូន Huawei nova 3 មានរូបរាងដូចគ្នាទៅនឹងស្មាតហ្វូន Huawei Nova3e។
ស្មាតហ្វូននេះប្រើប្រាស់នូវបន្ទះឈីប Kirin 659 រ៉េមទំហំ 6GB និងម៉េមូរីក្នុងម៉ាស៊ីនទំហំ 64GB ឬ 128GB នោះ។ស្មាតហ្វូននេះមានអេក្រង់ទំហំ 6.3” LCD panel ជាមួយនឹងកម្រិតភាពច្បាស់ Full HD+ និងកម្រិត 19:9 ratio ប្រើកាមេរ៉ាភ្លោះទំហំ 16 MP + 24 MP ថាមពលថ្ម 3,650 mAh និងបច្ចេកវិទ្យា Super Charge technology ដែលចំណាយពេលវេលាត្រឹមតែ 30 នាទីប៉ុណ្ណោះសម្រាប់ការបញ្ចូលថាមពលថ្មនោះ។ ស្មាតហ្វូននេះមាន 3 ពណ៌សម្រាប់ជ្រើសរើស៕
